News January 24, 2025
లింగంపేట: ఉరేసుకుని స్వీపర్ ఆత్మహత్య
ఉరేసుకుని స్వీపర్ ఆత్మహత్య చేసుకున్న ఘటన లింగంపేటలో శుక్రవారం చోటు చేసుకుంది. ఎస్ఐ వివరాల ప్రకారం.. గ్రామానికి చెందిన నాగరాజు(31) అచ్చంపేట సాంఘిక సంక్షేమ గురుకుల పాఠశాలలో స్వీపర్‌గా పని చేస్తున్నారు. అతను మద్యం తాగడానికి తల్లిని డబ్బులు అడిగాడు. ఆమె ఇవ్వకపోవడంతో తల్లిని ఇంట్లో నుంచి బయటకు నెట్టివేసి ఉరేసుకొని ఆత్మహత్య చేసుకున్నాడు. కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.
Similar News
News November 30, 2025
రేపు ప్రజావాణి కార్యక్రమం రద్దు: ములుగు కలెక్టర్
ములుగు జిల్లాలో సోమవారం జరగనున్న ప్రజావాణి కార్యక్రమాన్ని రద్దు చేస్తున్నట్లు కలెక్టర్ దివాకర్ టీఎస్ తెలిపారు. జిల్లాలో గ్రామ పంచాయతీ ఎన్నికల ప్రవర్తన నియమావళి అమలులో ఉన్న నేపథ్యంలో ప్రజావాణి కార్యక్రమం రద్దు చేయడం జరుగుతుందన్నారు. గ్రామ పంచాయతీ ఎన్నికలు పూర్తయ్యే వరకు ప్రజావాణి కార్యక్రమం నిర్వహించడం జరగదని ఈ విషయాన్ని జిల్లా ప్రజలు గమనించాలని కోరారు.
News November 30, 2025
2,81,298 మందికి పెన్షన్ పంపిణీ పంపిణీకి సిద్ధం: కలెక్టర్
అనంతపురం జిల్లాలో 2,81,298 మంది NTR భరోసా సామాజిక భద్రత ఫించన్ దారులకు రూ.125.39 కోట్లు పంపిణీకి సర్వం సిద్ధం చేసినట్లు కలెక్టర్ ఆనంద తెలిపారు. డిసెంబర్ 1న ఉదయం 6:30 గంటలకు పెన్షన్ లబ్ధిదారులకు సచివాలయ ఉద్యోగస్థులు పెన్షన్ పంపిణీ చేయాలన్నారు. పెన్షన్ పంపిణీ విధానాన్ని DLDO, MPDO, మున్సిపల్ కమిషనర్లు పరిరక్షించాలని ఆదేశించారు.
News November 30, 2025
1100 సేవలను సద్వినియోగం చేసుకోండి: కలెక్టర్
ప్రకాశం జిల్లా ప్రజలు మీకోసం కాల్ సెంటర్ 1100 సేవలను వినియోగించుకోవాలని కలెక్టర్ రాజాబాబు కోరారు. గ్రీవెన్స్ డేలో అర్జీలు అందించినప్పటికీ పరిష్కారం కాకపోయినా, తమ ఫిర్యాదులకు సంబంధించిన సమాచారం తెలుసుకునేందుకు 1100ను సంప్రదించాలని సూచించారు. తుఫాన్ నేపథ్యంలో సోమవారం జిల్లా కేంద్రంలో PGRS రద్దయిన విషయం తెలిసిందే.