News February 18, 2025
లేపాక్షి ఉత్సవాలకు కలెక్టర్‌కు ఆహ్వానం
లేపాక్షి వీరభద్రాలయంలో ఈ నెల 25 నుంచి నిర్వహించనున్న బ్రహ్మోత్సవాలకు జిల్లా కలెక్టర్ చేతన్‌ను వీరభద్రాలయ ధర్మకర్తల మండల ఛైర్మన్ కరణం రమానందన్, ఆలయ కార్య నిర్వహణ అధికారి నరసింహమూర్తి ఆహ్వానించారు. ఈ ఏడాది ఉత్సవాలను వైభవోపేతంగా నిర్వహిస్తున్నామని, ఉత్సవాలకు హాజరుకావాలని కోరారు. శివరాత్రి పర్వదిన సందర్భంగా బ్రహ్మ రథోత్సవం, శివపార్వతుల కళ్యాణోత్సవం, జాగారం రోజున విశేష కార్యక్రమాలు జరుగుతాయన్నారు.
Similar News
News November 23, 2025
సంస్థాగత నిర్మాణంపై ‘సేనాని’ దృష్టి
జనసేన సంస్థాగత నిర్మాణంపై ఆ పార్టీ అధినేత, ఉపముఖ్యమంత్రి పవన్ కళ్యాణ్ ప్రత్యేక దృష్టి సారించారు. పిఠాపురంతో పాటు వివిధ నియోజకవర్గాల్లో పార్టీ కమిటీల నియామకానికి కసరత్తు ప్రారంభించారు. గ్రామ స్థాయి వరకు పటిష్టమైన కమిటీలను వేసేందుకు ఆయన స్వయంగా కార్యకర్తల అభిప్రాయాలను సేకరిస్తున్నారు. ఇప్పటికే పిఠాపురం నియోజకవర్గ కమిటీల కూర్పునకు సంబంధించి ఆశావహుల పేర్ల సేకరణ పూర్తయినట్లు సమాచారం.
News November 23, 2025
HNK: హాఫ్ మారథాన్‌తో పాలకు బ్రేక్!
హనుమకొండ నగరంలో ఆదివారం ఉదయం నిర్వహిస్తున్న హాఫ్ మారథాన్ ప్రోగ్రాంతో పాల ప్యాకెట్ల డెలివరీకి ఆటంకం ఏర్పడింది. పోలీసులు రహదారులను రెండు వైపులా మూసివేయడంతో వాహనదారులు ఇబ్బందులు పడ్డారు. ఉదయం పాల డెలివరీ చేసే వ్యాపారులను సైతం అడ్డుకోవడంతో Way2Newsకి ఫోన్ చేసి తమ ఇబ్బందులను వివరించారు.
News November 23, 2025
VZM: పార్ట్ టైం టీచర్ పోస్టులకు నోటిఫికేషన్
డాక్టర్ బీఆర్ అంబేడ్కర్ గురుకుల పాఠశాలలు, కళాశాలల్లో పార్ట్‌టైమ్ ఉపాధ్యాయుల నియామకానికి దరఖాస్తులు కోరుతున్నట్లు కో ఆర్డినేటర్ మాణిక్యం తెలిపారు. JL ఫిజిక్స్ (పార్వతీపురం), TGT హిందీ (సాలూరు) పోస్టులకు పురుషులు, JL కామర్స్ (వియ్యంపేట), TGT ఇంగ్లిష్ (భామిని) పోస్టులకు మహిళా అభ్యర్థులు అర్హులు. ఈనెల 25న నెల్లిమర్ల డైట్ కళాశాల పక్కన ఉన్న అంబేడ్కర్ గురుకులంలో జరిగే ఇంటర్వ్యూలకు హాజరుకావాలన్నారు.