News February 25, 2025
వనపర్తికి సీఎం రాబోతున్నారు..!
వనపర్తికి మార్చి 2వ తేదీన సీఎం రేవంత్ రెడ్డి వస్తున్నట్లు వనపర్తి ఎమ్మెల్యే తూడి మెగారెడ్డి ఒక ప్రకటనలో పేర్కొన్నారు. నియోజకవర్గంలో ఆరోజు రూ.1000 కోట్ల అభివృద్ధి పనులకు సీఎం శంకుస్థాపన చేస్తారన్నారు. సీఎం రేవంత్ రెడ్డి వనపర్తి నియోజకవర్గంలో పర్యటించేందుకు సమయం ఇచ్చారన్నారు. ఎంపీ మల్లు రవి, ఒబెదుల్లా కోత్వాల్ తోపాటు కాంగ్రెస్ నాయకులు చింతలపల్లి జగదీశ్వర రావు తదితరులు సీఎంను కలిశారన్నారు.
Similar News
News November 29, 2025
ఖమ్మం: రూ.కోట్ల విలువైన స్థల వివాదంపై కోర్టు తీర్పు
ఖమ్మం జిల్లా కేంద్రంలోని వినియోగదారుల ఫోరం పక్కన ఉన్న రూ.కోట్ల విలువైన స్థలంపై దాఖలైన దావాను ఖమ్మం మొదటి అదనపు సీనియర్ సివిల్ జడ్జి కోర్టు న్యాయమూర్తి శివరంజని శుక్రవారం కొట్టివేశారు. బిజ్జాల జనార్దన్ కుటుంబీకులు 2010లో దాఖలు చేసిన ఈ దావాపై విచారణ జరిపిన న్యాయస్థానం, ఆ స్థలం ఖమ్మం మున్సిపల్ కార్పొరేషన్ (కేఎంసీ)దేనని ప్రభుత్వ న్యాయవాదుల వాదనలతో ఏకీభవించింది. దీంతో ఈ వివాదానికి తెరపడింది.
News November 29, 2025
జర్నలిస్టుల అక్రిడిటేషన్ గడువు పొడిగింపు: కలెక్టర్
జిల్లాలోని జర్నలిస్టుల అక్రిడిటేషన్ కార్డుల గడువు నవంబర్ 30తో ముగుస్తున్న నేపథ్యంలో వాటి కాలపరిమితిని మరో రెండు నెలలు పొడిగిస్తున్నట్లు కలెక్టర్ హిమాన్షు శుక్లా తెలిపారు. జనవరి 31, 2026 వరకు ఈ పొడిగింపు ఉంటుందన్నారు. జిల్లాలోని విలేకరులు ఈ విషయాన్ని గమనించాలని కోరారు.
News November 29, 2025
మచిలీపట్నం: ఫోన్ హ్యాక్.. రూ.8.15లక్షలు మాయం
మచిలీపట్నంలో ఓ మహిళ సైబర్ క్రైమ్ బారిన పడిన ఘటన ఆలస్యంగా వెలుగులోకి వచ్చింది. స్థానిక లక్ష్మీటాకీస్ సమీపంలో నివాసం ఉంటున్న శ్రావణి అనే యువతి సాఫ్ట్‌వేర్‌గా పని చేస్తున్నారు. ఈ నెల 24న తన వాట్సాప్‌కి ఓ లింక్ రాగా ఆ లింక్‌ను ఆమె భర్త ఓపెన్ చేశాడు. ఇంకేముంది ఫోన్ హ్యాక్ అయి అకౌంట్‌లో ఉన్న రూ.8.15 లక్షలు మాయమయ్యాయి. బాధితురాలి ఫిర్యాదు మేరకు పోలీసులు కేసు దర్యాప్తు చేస్తున్నారు.