News April 9, 2025
వనపర్తి: చికిత్స పొందుతూ యువకుడి మృతి

చికిత్స పొందుతూ ఓ యువకుడు మృతిచెందిన ఘటన మదనాపురం మండలంలో జరిగింది. స్థానికుల వివరాలు.. అజ్జకొల్లుకి చెందిన పారిశుద్ధ్య కార్మికుడు బాలకృష్ణ అనారోగ్యం కారణంగా ఏడాది నుంచి పనికి వెళ్లట్లేదు. దీంతో తల్లి లక్ష్మి ఆ పనికి వెళ్లేది. ఆ జీతం యువకుడి అకౌంట్లో పడేవి. తల్లి డబ్బులడగగా ఇవ్వకపోవటంతో అతడిపై గొడ్డలితో దాడి చేసింది. గాయపడిని యువకుడు గాంధీ ఆసుపత్రిలో చికిత్స పొందుతూ మంగళవారం మృతి చెందాడు.
Similar News
News November 29, 2025
మాతృమరణాలు సంభవించకుండా చూడాలి: కలెక్టర్

విశాఖ కలెక్టరేట్ లో శనివారం కలెక్టర్ హరీంధిర ప్రసాద్ మాతృ మరణాలపై సమావేశం నిర్వహించారు. సెప్టెంబర్ నెలలో కణితి ప్రాధమిక ఆరోగ్యకేంద్రం, నక్కవానిపాలెం పట్టణ ఆరోగ్యకేంద్రం పరిదిలో ఒక్కొక్క మాతృ మరణం జరిగిందని DMHO జగదీశ్వర రావు వివరించారు. మాతృమరణాలు ఇకముందు సంభవించకుండా చూడాలని, హైరిస్క్ గర్భిణీలు ప్రసవానికి వచ్చినప్పుడు KGHకు గాని VGHకు గాని రిఫర్ చేయాలని కలెక్టర్ సూచించారు.
News November 29, 2025
భారీ జీతంతో 80 ఉద్యోగాలు.. నోటిఫికేషన్ విడుదల

హైదరాబాద్లోని భారత్ డైనమిక్స్ లిమిటెడ్(BDL)లో 80 మేనేజ్మెంట్ ట్రైనీ పోస్టులకు నోటిఫికేషన్ విడుదలైంది. పోస్టును బట్టి BE, B.Tech, MSc(కెమిస్ట్రీ), MBA, CA/ICWAI, PG డిప్లొమా, M.Com పాసైనవారు అర్హులు. వయసు 27ఏళ్లలోపు ఉండాలి. DEC 3 నుంచి 29 వరకు అప్లై చేసుకోవచ్చు. రాత పరీక్ష, ఇంటర్వ్యూ ద్వారా ఎంపిక చేస్తారు. నెలకు జీతం రూ.40,000-రూ.1,40,000 చెల్లిస్తారు.
వెబ్సైట్: <
News November 29, 2025
జగిత్యాల: పారదర్శక పంచాయతీ ఎన్నికలకు దిశానిర్దేశం

గ్రామ పంచాయతీ ఎన్నికలు పకడ్బందీగా నిర్వహించాలని అదనపు కలెక్టర్ బి.రాజ గౌడ్ సూచించారు. కలెక్టరేట్లో ఆర్వోలు, ఏఆర్వోలకు ఫేజ్-3 శిక్షణ ఇచ్చారు. నామినేషన్ దశ కీలకమైందని, ప్రతి వివరాన్ని నిబంధనల ప్రకారం పరిశీలించాలని తెలిపారు. సర్పంచ్కు 8, వార్డు సభ్యుడికి 6 కంటే ఎక్కువ నామినేషన్లు వస్తే సమాచారం ఇవ్వాలని ఆదేశించారు. అభ్యర్థులు కొత్త బ్యాంక్ ఖాతా తెరవాలని, ఒరిజినల్ పత్రాలనే వినియోగించాలని అన్నారు.


