News March 27, 2025
వనపర్తి: మృతిపై అనుమానం.. అంత్యక్రియలు నిలిపివేత..!

ఓ వ్యక్తి మృతిపై బంధువులు అనుమానం వ్యక్తం చేశారు. పోలీసులు తెలిపిన వివరాలు..వనపర్తి జిల్లా ఖిల్లా ఘనపురం వాసి కృష్ణయ్య(42) మృతిచెందాడు. బుధవారం అంత్యక్రియలకు ఏర్పాట్లు చేస్తుండగా అతడి మోకాళ్ల వద్ద గాయాలు,శరీరం మొత్తం ఉబ్బి ఉండడం గమనించిన బంధువులు దహన సంస్కారాలను నిలిపివేశారు. ఈవిషయమై మృతుడి చిన్నాన్న వెంకన్న PSలో ఫిర్యాదు చేయగా కేసు నమోదు చేసి బాడీని జిల్లా మార్చురీకి తరలించామని SIసురేశ్ తెలిపారు.
Similar News
News November 30, 2025
చిట్యాల: ఎన్నికలు వస్తే ఆ ఊరిలో ఘర్షణ వాతావరణం!

జయశంకర్ జిల్లాలో ఎన్నికల సమయంలో పోలీసులు గుర్తించే సమస్యాత్మక పోలింగ్ కేంద్రాల్లో చిట్యాల మండలం చింతకుంట్లరామయ్యపల్లి(CRపల్లి) గ్రామం ఒకటి. అక్కడ ఏ ఎన్నికలు వచ్చినా, అభ్యర్థి ఎవరైనా ప్రతి ఎన్నికల్లో ఘర్షణ వాతావరణం నెలకొంటుంది. గత సర్పంచ్ ఎన్నికల్లో తీవ్ర ఉద్రిక్తత పరిస్థితి నెలకొంది. అలాగే, గత అసెంబ్లీ ఎన్నికల్లో కూడా ఘర్షణ తలెత్తి కొందరు యువకులు కేసుల పాలయ్యారు. మరి ఇప్పుడు ఏం జరుగుతుందో చూడాలి.
News November 30, 2025
గద్వాల్: నాటి స్నేహితులు.. నేటి అధికారులు

రాజోలి మండల పంచాయతీ ఎన్నికల విధుల్లో ఇద్దరు పాత మిత్రులు కలిసి పనిచేయడం ఆసక్తి కలిగిస్తోంది. 2000-03లో ఒకే కాలేజీలో డిగ్రీ చదివిన గోకారి ప్రస్తుతం రాజోలికి ఎస్సైగా, పంచాయతీ సెక్రటరీగా కృష్ణయ్య విధులు నిర్వహిస్తున్నారు. ఒకే మండలంలో పాత స్నేహితులు కలిసి ఎన్నికల ఏర్పాట్లను పర్యవేక్షిస్తున్నారు. నాటి స్నేహితులు.. నేటి అధికారులుగా ఎన్నికల విధుల్లో ఉండటం విశేషం.
News November 30, 2025
మల్లన్న పేరు మీదనే సాగర్ నిర్మాణం: హరీశ్ రావు

బీఆర్ఎస్ అధికారంలో ఉన్న కాలంలో యాదవుల ఆరాధ్య దైవమైన మల్లన్న స్వామి పేరు మీదనే గత ముఖ్యమంత్రి కేసీఆర్ మల్లన్న సాగర్ నిర్మించారని మాజీ మంత్రి హరీశ్ రావు అన్నారు. సిర్గాపూర్లో నిర్వహిస్తున్న మల్లన్న స్వామి జాతర ఉత్సవాల్లో ఆయన పాల్గొని మల్లన్న స్వామికి ప్రత్యేక పూజలు నిర్వహించారు. త్వరలోనే మల్లన్న సాగర్ నీరు ఖేడ్ ప్రాంతానికి సరఫరా అవుతుందన్నారు. మాజీ ఎమ్మెల్యే భూపాల్ రెడ్డి ఉన్నారు.


