News March 16, 2025
వరంగల్ అమ్మాయితో అమెరికా అబ్బాయి మ్యారేజ్❤️
వరంగల్కు చెందిన అమ్మాయితో అమెరికాకు చెందిన అబ్బాయికి ఆదివారం పెళ్లి జరగనుంది. కాశిబుగ్గ ప్రాంతానికి చెందిన మాజీ కౌన్సిలర్ సంపత్- పద్మ దంపతుల రెండో కూతురు సుప్రియ ఐదేళ్ల క్రితం పై చదువుల కోసం అమెరికా వెళ్లింది. అదే కాలేజీలో చదువుతున్న గ్రాండ్ అనే వ్యక్తితో ప్రేమలో పడింది. దీంతో గ్రాండ్ తన తల్లిదండ్రులను ఒప్పించి పెళ్లి చేసుకొనేందుకు సిద్ధమయ్యాడు. వీరి పెళ్లి వరంగల్లో నేడు జరగనుంది.
Similar News
News February 8, 2026
MNCL: తండ్రుల కోసం తనయుల ఆరాటం!
కాంగ్రెస్ పార్టీ ఎమ్మెల్యే ప్రేమ్ సాగర్ రావు, BRS మాజీ ఎమ్మెల్యే దివాకర్ రావుల తనయులు మున్సిపల్ ఎన్నికల్లో పోటాపోటీగా ప్రచారం చేస్తున్నారు. తండ్రులకు అండగా ఉంటూ ఎమ్మెల్యే PSR తనయుడు చరణ్, మాజీ ఎమ్మెల్యే కుమారుడు విజిత్ రావు తమ పార్టీ అభ్యర్థుల గెలుపును భుజస్కందాలపై వేసుకొని ఇంటింటా ప్రచారాలు చేస్తున్నారు. రాబోయే రోజుల్లో వీరు రాజకీయ ప్రత్యర్థులుగా ఉండవచ్చు.
News February 8, 2026
ఏలూరు: వాషింగ్ మిషన్లో దూరిన నాగుపాము
జంగారెడ్డిగూడెంలో రోటరీ క్లబ్ సమీపంలోని చిన్నం సుబ్బారావు నివాసంలో ఆదివారం వాషింగ్ మిషన్లో నాగుపాము కలకలం రేపింది. బట్టలు వేసేందుకు వెళ్లిన కుటుంబ సభ్యులకు బుసలు వినిపించడంతో పరిశీలించగా పాము కనిపించింది. వెంటనే స్నేక్ సేవియర్ సొసైటీకి సమాచారం అందించారు. వారు ఘటనా స్థలానికి చేరుకుని పామును చాకచక్యంగా పట్టుకుని అటవీ ప్రాంతంలో విడిచిపెట్టారు.
News February 8, 2026
NLG: గల్లంతైన వ్యక్తి కోసం NDRF గాలింపు!
నల్గొండ జిల్లా నిడమనూరు మండలం ముకుందాపురం వద్ద నాగార్జునసాగర్ ఎడమ కాల్వలో కారు పడి గల్లంతైన పుల్లయ్య కోసం NDRF బృందాలు గాలింపు ముమ్మరం చేశాయి. నిన్న జరిగిన ప్రమాదంలో భార్య పద్మ మృతదేహం లభించగా, భర్త జాడ తెలియక పలు అనుమానాలకు దారితీస్తోంది. ఎస్ఐ సురేష్ ఆధ్వర్యంలో పోలీసులు ఈ ఘటనను ప్రమాదమా లేక ఏదైనా కుట్ర ఉందా అనే కోణంలో దర్యాప్తు చేస్తున్నారు. డ్రైవర్ సురక్షితంగా బయటపడటంతో అతడిని విచారిస్తున్నారు.