News July 27, 2024
వరంగల్: కారులో కూరగాయల విక్రయం!
ప్రజలు మార్కెట్‌కు వెళ్లకుండా కొందరు వ్యాపారులు ఇంటి వద్దకే తోపుడు బండ్లు, బుట్టల్లో కూరగాయలను తీసుకువచ్చి అమ్ముతుంటారు. కానీ, ఓ వ్యాపారి కారులోనే కూరగాయలు విక్రయిస్తూ అందరిని ఆకట్టుకుంటున్నాడు. హన్మకొండ నగరంలోని ఎక్సైజ్ కాలనీలో కారులో వివిధ రకాల కూరగాయలు, ఆకు కూరలను తీసుకొచ్చి విక్రయిస్తున్నాడు. వెనుక డిక్కీలో వేయింగ్ మిషన్‌ను ఏర్పాటు చేశాడు. దీన్ని చూసిన పలువురు ఆలోచన బాగుందని కితాబిస్తున్నారు.
Similar News
News November 28, 2024
వరంగల్: నిన్నటిలాగే తటస్థంగా పత్తి ధర
వరంగల్ ఎనుమాముల వ్యవసాయ మార్కెట్‌లో పత్తి ధర నిన్నటి లాగే ఈరోజు తటస్థంగా ఉంది. గురువారం క్వింటా కొత్త పత్తి ధర రూ.6,840గా ఉంది. చలికాలం నేపథ్యంలో రైతులు తగు జాగ్రత్తలు పాటిస్తూ సరకులను మార్కెట్‌కు తీసుకొని రావాలన్నారు. తేమ లేని సరకులు తీసుకొని వచ్చి మంచి ధర పొందాలని అధికారులు సూచిస్తున్నారు.
News November 28, 2024
కేయూ పట్ల సీఎం ప్రత్యేక దృష్టి పెట్టారు: ఎమ్మెల్యే
కాకతీయ యూనివర్సిటీ పట్ల సీఎం రేవంత్ రెడ్డి ప్రత్యేక దృష్టి పెట్టారని ఎమ్మెల్యే రాజేందర్ రెడ్డి అన్నారు. సమకాలీన భారతదేశంలో సామాజిక సంస్థల ద్వారా ప్రపంచీకరణ, అభివృద్ధి, సామాజిక పరివర్తనపై యూనివర్సిటీలో నిర్వహించిన సెమినార్లో ఎమ్మెల్యే పాల్గొన్నారు. గతంతో పోలిస్తే అన్ని రంగాల్లో యూనివర్సిటీ అభివృద్ధికి ప్రజా ప్రభుత్వం దోహదడుతుందన్నారు.
News November 28, 2024
భద్రకాళి చెరువు పూడికతీత పనులను వేగవంతంగా చేపట్టాలి: కలెక్టర్
భద్రకాళి చెరువు పూడికతీత పనులను వేగవంతంగా చేపట్టాలని హనుమకొండ జిల్లా కలెక్టర్ పి.ప్రావీణ్య అధికారులను ఆదేశించారు. బుధవారం భద్రకాళి చెరువులో చేపట్టిన పూడికతీత పనులను హనుమకొండ జిల్లా కలెక్టర్ ప్రావీణ్య, వరంగల్ జిల్లా కలెక్టర్ డా.సత్య శారద, గ్రేటర్ వరంగల్ మున్సిపల్ కార్పొరేషన్ కమిషనర్ అశ్విని తానాజీ వాకడే పరిశీలించారు.