News February 16, 2025
వరంగల్: భర్త దశదిన కర్మ పూర్తవ్వక ముందే భార్య మృతి

భర్త దశదిన కర్మ పూర్తవ్వక ముందే భార్య మృతి చెందిన ఘటన వరంగల్ జిల్లా గురజాలలో జరిగింది. మెట్టు మల్లయ్య(78)కు పది రోజుల క్రితం గుండెపోటు వచ్చింది. ఆయన్ను వరంగల్లోని ప్రైవేట్ ఆస్పత్రిలో చేర్పించారు. అదేరోజు ఆయన భార్య సమ్మక్క(69) అస్వస్థతకు గురి కాగా ఆసుపత్రిలో చేర్చారు. ఈ నెల 6వ తేదీన మల్లయ్య మృతి చెందగా, శనివారం సమ్మక్క మృతి చెందింది. దీంతో ఆ కుటుంబంలో, గ్రామంలో విషాద ఛాయలు అలుముకున్నాయి.
Similar News
News November 29, 2025
వేములవాడ: భక్తుల రద్దీ, సౌకర్యాలపై ఈవో ఆరా

వేములవాడ శ్రీ రాజరాజేశ్వర స్వామి దేవస్థానం అనుబంధ ఆలయమైన శ్రీ భీమేశ్వర స్వామి ఆలయంలో భక్తుల రద్దీ దృష్ట్యా సౌకర్యాలపై ఆలయ ఈవో రమాదేవి ఆరా తీశారు. ఈ సందర్భంగా ఆలయంలో ప్రారంభించిన సేవా టికెట్లు, క్యూలైన్లు, భక్తుల కోసం ఏర్పాటు చేసిన పలు సౌకర్యాలను పరిశీలిస్తూ, భక్తులకు ఎలాంటి ఇబ్బందులు కలగకుండా చూడాలని ఆలయ సిబ్బందికి ఆమె పలు సూచనలు చేశారు. ఆలయ ఇన్స్పెక్టర్ ఎడ్ల శివసాయి, ఎస్పీఎఫ్ సిబ్బంది ఉన్నారు.
News November 29, 2025
బి.కొత్తకోట: పరీక్ష విధానంతో విచారణ

బి. కొత్తకోటలోని శంకరాపురం జెడ్పీ హైస్కూల్ విద్యార్థిని జానకిరాణి టీచర్ మందలించాడని విషం తాగి ఆత్మహత్యాయత్నానికి పాల్పడడం తెలిసిందే. దీనిపై మదనపల్లి డివైఈఓ లోకేశ్వర్ రెడ్డి, ఎంఈఓ రెడ్డిశేఖర్, హెచ్ఎం మునిస్వామి శుక్రవారం విచారించారు. పిల్లలను విడివిడిగా కూర్చోబెట్టి ప్రశ్నలను పరీక్ష పత్రాల రూపంలో ఇచ్చి సమాధానాలు రాయించారు.
News November 29, 2025
వనపర్తి: నామినేషన్లకు నేడు లాస్ట్.. కలెక్టర్

వనపర్తి జిల్లాలోని ఐదు మండలాలకు సంబంధించిన మొదటి గ్రామ పంచాయతీ ఎన్నికల నామినేషన్ల ప్రక్రియ శనివారం సాయంత్రం 5 గంటలకు ముగుస్తుందని కలెక్టర్ ఆదర్శ తెలిపారు. సర్పంచ్, వార్డు మెంబర్ స్థానాలకు పోటీ చేసే అభ్యర్థులు ఉదయం 10:30 గంటల నుంచి రిటర్నింగ్ అధికారి కార్యాలయంలో నామినేషన్లు దాఖలు చేయాలని ఆయన సూచించారు. సా.5 గంటల తర్వాత ఆలస్యంగా వచ్చే నామినేషన్లను స్వీకరించబోమని కలెక్టర్ స్పష్టం చేశారు.


