News November 7, 2024
వరంగల్ మార్కెట్లో మిర్చి ధరలు
వరంగల్ ఎనుమాముల వ్యవసాయ మార్కెట్లో వివిధ రకాల మిర్చి ధరలు ఇలా ఉన్నాయి. తేజ మిర్చి క్వింటాకు నిన్న రూ.16,800 ధర రాగా.. నేడు రూ. 16,200 పలికింది. అలాగే 341 రకం మిర్చి క్వింటాకు నిన్నటిలాగే రూ.15 వేల ధర వచ్చింది. మరోవైపు వండర్ హాట్ మిర్చికి నిన్న రూ.14,500 ధర రాగా, ఈరోజు రూ.500 తగ్గి రూ.14,000కి చేరిందని అధికారులు తెలిపారు.
Similar News
News December 7, 2024
ఇందిరమ్మ ఇళ్లపై జనగామ కలెక్టర్ కీలక ఆదేశాలు
ఇందిరమ్మ ఇళ్ల పథకం కింద అర్హులైన లబ్ధిదారుల ఎంపిక ప్రక్రియను పారదర్శకంగా నిర్వహించాలని జనగామ కలెక్టర్ రిజ్వాన్ బాషా షేక్ అధికారులను ఆదేశించారు. కలెక్టరేట్‌లో పవర్ పాయింట్ ప్రజెంటేషన్ ద్వారా ఎంపీడీవో, ఎంపీవో, పంచాయతీ సెక్రటరీలకు ఇందిరమ్మ ఇళ్ల పథకంపై కలెక్టర్ అవగాహన కల్పించారు. లబ్ధిదారుల గుర్తింపు కోసం క్షేత్రస్థాయిలో చేపట్టే సర్వే పకడ్బందీగా నిర్వహించాలన్నారు.
News December 6, 2024
గిరిజన యూనివర్సిటీకి రూ.890 కోట్లు మంజూరు: మహబూబాబాద్ ఎంపీ
మహబూబాబాద్ ఎంపీ బలరాం నాయక్ కృషి ఫలించింది. ఎంపీ చొరవతో ములుగు గిరిజన విశ్వ విద్యాలయం కోసం కేంద్రం రూ.890 కోట్లు మంజూరు చేసింది. విభజన చట్టంలో భాగంగా తెలంగాణలో నెలకొల్పిన సమ్మక్క- సారక్క గిరిజన విశ్వవిద్యాలయం కోసం కేంద్రంపై ఒత్తిడి చేసి పార్లమెంట్‌లో రూ.890 కోట్ల బడ్జెట్ రిలీజ్ చేయించినట్లు ఎంపీ ‘X’ (ట్విట్టర్) ద్వారా తెలిపారు. దీంతో గిరిజన విద్యార్థులు హర్షం వ్యక్తం చేస్తున్నారు.
News December 6, 2024
వరంగల్ భద్రకాళి అమ్మవారికి పూజలు
వరంగల్ నగరంలోని భద్రకాళి అమ్మవారికి అర్చకులు ఈరోజు అభిషేకం నిర్వహించారు. నేడు అమ్మవారికి ప్రీతికరమైన రోజు శుక్రవారం కావడంతో తెల్లవారుజామునే ఆలయాన్ని తెరిచి, అమ్మవారికి అభిషేకం నిర్వహించి పూజా కార్యక్రమాలు చేపట్టారు. చుట్టుపక్క ప్రాంతాల మహిళలు, భక్తులు సైతం ఉదయాన్నే అధిక సంఖ్యలో ఆలయానికి తరలివచ్చి అమ్మవారిని దర్శించుకొని, తీర్థ ప్రసాదాలు స్వీకరిస్తున్నారు.