News February 7, 2026

వర్గల్: ప్రశాంతంగా ముగిసిన నవోదయ ఎంపిక పరీక్షలు

2026-27 విద్యా సంవత్సరానికి గాను 9వ, 11వ తరగతుల్లో ప్రవేశాల కోసం జవహర్ నవోదయ విద్యాలయ వర్గల్‌లో శనివారం నిర్వహించిన ప్రవేశ పరీక్షలు ప్రశాంతంగా ముగిశాయని ప్రిన్సిపల్ రాజేందర్ తెలిపారు. 11వ తరగతికి 72.12%, 9వ తరగతికి 58.85% హాజరు నమోదైంది. గజ్వేల్, ప్రజ్ఞాపూర్, వర్గల్‌లలోని 8 కేంద్రాల్లో పకడ్బందీ ఏర్పాట్లతో పరీక్షలు నిర్వహించగా, అధికారులు పరిశీలించారు. సహకరించిన సిబ్బందికి ఆయన కృతజ్ఞతలు తెలిపారు.