News August 3, 2024
వల్లభనేని వంశీ ఎక్కడ.?
గన్నవరం మాజీ MLA వల్లభనేని వంశీ ఆచూకీపై ఉత్కంఠ నెలకొంది. నిన్న వంశీ అరెస్ట్ అయ్యారంటూ ప్రచారం సాగినప్పటికీ పోలీసులు ఖండించారు. వంశీ అమెరికాలో ఉన్నారా, ఇండియాలోనే ఉన్నారా అనే అంశంపై ఆయన సన్నిహితుల వద్ద సైతం సమాధానం లేదు. కాగా గన్నవరం TDP కార్యాలయాన్ని ధ్వంసం చేసిన ఘటనలో వంశీ 71వ నిందితుడిగా ఉన్నారు. ఈ కేసులో ఇప్పటివరకు 19 మందిని అరెస్ట్ చేశామని పోలీసులు చెప్పారు.
Similar News
News November 26, 2024
కృష్ణా: కాదంబరి కేసు వాయిదా
ముంబై నటి కాదంబరి కేసులో దాఖలైన ముందస్తు బెయిల్ పిటిషన్లపై హైకోర్టు మంగళవారం విచారణ చేపట్టింది. పలువురు IPS ఆఫీసర్లు, పోలీసులు, లాయర్ దాఖలు చేసిన పిటిషన్లపై విచారణ జరగ్గా.. కేసు విచారణను డిసెంబర్ 2కి వాయిదా వేసింది. కౌంటర్ వేసేందుకు పబ్లిక్ ప్రాసిక్యూటర్ సమయం కోరడంతో కేసు విచారణ వాయిదా పడింది.
News November 26, 2024
మచిలీపట్నంలో అసలేం జరిగిందంటే?
మచిలీపట్నంలో దంపతులు ఆత్మహత్యకు ప్రయత్నించగా భార్య <<14701508>>చనిపోయిన <<>>విషయం తెలిసిందే. నిజాంపేటకు చెందిన గోపీకృష్ణ, కావ్య(32)కు ఇద్దరు పిల్లలు. ఆదివారం అర్ధరాత్రి దంపతుల మధ్య గొడవ జరగ్గా.. ఆత్మహత్య చేసుకుంటానని భర్త చెప్పారు. ‘నేనూ సూసైడ్ చేసుకుంటా’ అని భార్య చెప్పడంతో ఇద్దరూ బైకుపై బుద్దాలపాలేనికి వచ్చారు. ఇద్దరూ రైలుకు ఎదురెళ్లగా కావ్య చనిపోయింది. చివరి నిమిషంలో గోపీకృష్ణ తప్పుకోవడంతో ఆయనకు గాయాలయ్యాయి.
News November 26, 2024
సోషల్ మీడియాలో మంచిని మాత్రమే అనుసరించాలి: కొలుసు
యువతీ, యువకులు సోషల్ మీడియాలో మంచిని మాత్రమే అనుసరించాలని మంత్రి కొలుసు పార్ధసారధి విద్యార్థులకు సూచించారు. తాను వ్యక్తిగతంగా సోషల్ మీడియా ఫాలోకానని చాలా మంది ప్రముఖులు కూడా సోషల్ మీడియాను ఫాలో అవ్వరని చెప్పారు. సోమవారం ఎస్ఆర్ఆర్ కళాశాలలో సామాజిక మాధ్యమాల దుష్ప్రచారం అవగాహన సదస్సులో ఆయన మాట్లాడారు. విద్యార్థులు సామాజిక మాధ్యమాలను ఉపయోగించి వివిధ అంశాలపై అవగాహన పెంపొందించుకోవచ్చని అన్నారు.