News March 12, 2025
వికారాబాద్ జిల్లాలో నత్తనడకన సీసీ రోడ్ల పనులు
జిల్లాలో ఉపాధి హామీ పనులు సకాలంలో పూర్తి అయ్యే అవకాశాలు కనబడటం లేదని పలువురు ఆరోపిస్తున్నారు. జిల్లాకు మొత్తం 811 పనులకు గాను రూ.51.28 కోట్లు మంజూరయ్యాయి. ఈనెలాఖరు వరకు పనులు ప్రారంభించి పూర్తి చేయాలని కలెక్టర్ ప్రతీక్ జైన్ ఆదేశాలు జారీ చేశారు. జిల్లాలో 75-80% పనులను ప్రారంభించారు. ఇందులో 432 పనులను పూర్తి చేశారు. జిల్లాలో ఇంకా 50% పనులు పూర్తి చేయాల్సి ఉంది.
Similar News
News February 8, 2026
GNT: వెహికల్ చెకింగ్.. రూ.5లక్షల జరిమానా, 72 సీజ్
గుంటూరు జిల్లా వ్యాప్తంగా ఆదివారం సాయంత్రం పోలీసులు రహదారి భద్రతా డ్రైవ్ చేపట్టారు. మొత్తం 2,436 వాహనాలను ప్రధాన కూడళ్లల్లో తనిఖీ చేశారు. త్రిపుల్ రైడింగ్, అతివేగం, హెల్మెట్ లేకుండా ప్రయాణం, మైనర్ల డ్రైవింగ్ని గుర్తించి
933 వాహనాలపై కేసులు నమోదు చేశారు. నిబంధనలు అతిక్రమించిన వాహనాలకు రూ.5,67,590 జరిమానా విధించారు. ధృవపత్రాలు సక్రమంగా లేని 72 వాహనాలను సీజ్ చేశారు.
News February 8, 2026
మద్యం తాగి వాహనం నడిపితే జైలే: ఎస్పీ
బాపట్ల జిల్లాలో రోడ్డు ప్రమాదాల నివారణే లక్ష్యంగా ఎస్పీ బి. ఉమామహేశ్వర్ ఆదేశాలతో పోలీసులు ముమ్మరంగా డ్రంక్ అండ్ డ్రైవ్ తనిఖీలు చేపట్టారు. బ్రీత్ అనలైజర్ల ద్వారా వాహనదారులను పరీక్షించి, మద్యం సేవించిన వారిపై కేసులు నమోదు చేశారు. మద్యం తాగి వాహనాలు నడిపితే జైలేనని హెచ్చరించారు. ప్రాణాలు పణంగా పెట్టి మద్యం మత్తులో వాహనాలు నడపవద్దని, ట్రాఫిక్ నిబంధనలు పాటించి సురక్షితంగా ప్రయాణించాలని సూచించారు.
News February 8, 2026
నల్లగొండ: మున్సిపల్ ఎన్నికలు.. 11న స్థానిక సెలవు!
నల్లగొండ జిల్లాలో ఈనెల 11న మున్సిపల్ ఎన్నికల దృష్ట్యా కలెక్టర్ చంద్రశేఖర్ స్థానిక సెలవు ప్రకటించారు. నల్లగొండ కార్పొరేషన్ సహా జిల్లాలోని మిర్యాలగూడ, హాలియా, చండూరు, చిట్యాల పురపాలక సంఘాల పరిధిలోని ప్రభుత్వ కార్యాలయాలకు ఈ సెలవు వర్తిస్తుంది. ప్రైవేటు సంస్థలు, పరిశ్రమల్లో పనిచేసే కార్మికులకు కూడా వేతనంతో కూడిన సెలవు ఇవ్వాలని ఆదేశించారు. ఓటర్లందరూ ఓటు హక్కును వినియోగించుకోవాలని కలెక్టర్ కోరారు.