News May 21, 2024
విచారణకు నేను సిద్ధం: లావు కృష్ణదేవరాయలు
పల్నాడులో అల్లర్లకు తానే కారణమని YCP నేతలు ఆరోపిస్తున్నారని నరసరావుపేట MP అభ్యర్థి లావు కృష్ణదేవరాయలు మండిపడ్డారు. హింసాత్మక ఘటనలకు సంబంధించి అన్ని కోణాల్లో దర్యాప్తు చేయాలని ఎన్నికల ప్రధాన అధికారికి ముకేశ్ కుమార్‌కు ఆయన సోమవారం ఫిర్యాదు చేశారు. మాజీ ఎస్పీ బిందు మాధవ్‌తో తమ కుటుంబానికి బంధుత్వం ఉందని కట్టుకథలు అల్లుతున్నారని పేర్కొన్నారు. తన కాల్ డేటా పరిశీలించాలని, విచారణకు సిద్ధమని ప్రకటించారు.
Similar News
News November 21, 2025
GNT: మీసాల కృష్ణుడు బెల్లంకొండ సుబ్బారావు వర్ధంతి
ప్రముఖ రంగస్థల నటుడు, న్యాయవాది బెల్లంకొండ సుబ్బారావు వర్ధంతి నేడు. ఆయన 1902లో కారంపూడిలో జన్మించారు. 1952 నవంబర్ 21న పరమపదించారు. సుబ్బారావు నాటక రంగంలో శ్రీకృష్ణుడి పాత్రకు జీవం పోశారు. పాండవోద్యోగ విజయాలు నాటకంలో ఆయన కృష్ణ పాత్రధారణ తారాస్థాయిని అందుకుంది. కృష్ణ వేషధారణలో మీసాలు ధరించడం ఆయన ప్రత్యేకత. అందుకే ఆయన్ను మీసాల కృష్ణుడు అని పిలిచేవారు. శ్రీకృష్ణ పాత్రకు అంకితమైన నటుడిగా పేరు పొందారు.
News November 21, 2025
Way2Newsలో వార్త.. నేడు మంత్రి పర్యటన
రాజధాని గ్రామాల్లో గత ప్రభుత్వంలో నిర్మించిన వెల్నెస్ సెంటర్లు నిరుపయోగంగా ఉన్నాయంటూ ఈ నెల 18వ తేదీన Way2Newsలో వార్త పబ్లిష్ అయ్యింది. స్పందించిన మంత్రి నారాయణ శుక్రవారం ఉదయం 8 గంటలకు రాజధాని గ్రామాల్లో CITIIS ప్రాజెక్ట్ కింద చేపట్టిన అంగన్వాడీ సెంటర్లు, స్కూల్స్, హెల్త్ సెంటర్లను పరిశీలించనున్నట్లు మంత్రి కార్యాలయం ఓ ప్రకటన విడుదల చేసింది. మరి కాసేపట్లో మంత్రి పర్యటన అప్డేట్ Way2Newsలో చూడొచ్చు.
News November 21, 2025
గుంటూరులోని ఈ బాలుడు మీకు తెలుసా?
గుంటూరు రైల్వేస్టేషన్ తూర్పు గేటు పార్కింగ్ వద్ద నవంబర్ 18న ఉదయం 8 గంటలకు మూడేళ్ల బాలుడు ఏడుస్తూ ఒంటరిగా దొరికాడు. తల్లిదండ్రుల ఆచూకీ లభించకపోవడంతో ఆర్‌పీఎఫ్, చైల్డ్ వెల్ఫేర్ అధికారులు బాలుడిని కొత్తపేట పోలీసుల ద్వారా శిశు సంరక్షణ కేంద్రానికి తరలించారు. బాలుడు తన వివరాలు చెప్పలేకపోతున్నాడు. బాలుడి ఆచూకీ తెలిసిన వారు తనను 8688831320 నంబర్‌లో సంప్రదించాలని కొత్తపేట సీఐ కోరారు.