News April 18, 2024
విజయవాడ పార్లమెంట్ స్థానానికి జనగామ వాసి నామినేషన్
విజయవాడ పార్లమెంట్ స్థానానికి జనగామ వాసి నామినేషన్ వేసినట్లు ఆ జిల్లా కలెక్టర్, రిటర్నింగ్ అధికారి ఢిల్లీ రావు తెలిపారు. తొలిరోజు 4 నామినేషన్లు దాఖలయ్యాయన్నారు. స్వతంత్ర అభ్యర్థిగా జనగామ జిల్లాకు చెందిన అర్జున్ చేవిటి రెండు నామినేషన్లు, సోషలిస్ట్ యునిటీ సెంటర్ ఆఫ్ ఇండియా(కమ్యూనిస్ట్) అభ్యర్థిగా విజయవాడ అజిత్ సింగ్ నగర్‌కు చెందిన గుజ్జుల లలిత రెండు దాఖలు చేశారన్నారు.
Similar News
News January 11, 2025
వరంగల్: నకిలీ వైద్యులున్నారు.. పారా హుషార్..!
ఉమ్మడి WGL జిల్లాలో నకిలీ డాక్టర్ల వైద్యం ప్రజల ప్రాణాల మీదకు వస్తోంది. NSPTలో పిల్లలు పుట్టేందుకు నకిలీ వైద్యుడి ట్రీట్మెంట్‌తో ఓ మహిళ అస్వస్థతకు గురికాగా స్థానికులు పట్టుకున్నారు. ఇలానే.. WDPTలో ఒక ఆటో కార్మికుడు, WGLలో ఆపరేషన్ చేస్తూ ఒకరు, CHPTలో హెర్బల్ మందుల పేరుతో మహిళ మృతి చెందిన ఘటనలు జరిగాయి. ఇటీవల తెలంగాణ మెడికల్ కౌన్సిల్ దాడుల్లో సుమారు 60కి పైగా నకిలీలను గుర్తించారు.
News January 11, 2025
కాజీపేట: ఇంటర్ విద్యార్థిని సూసైడ్
మనస్తాపం చెంది ఓ ఇంటర్ విద్యార్థిని సూసైడ్ చేసుకుంది. ఈ ఘటన కాజీపేటలో శుక్రవారం జరిగింది. ఎస్ఐ వివరాల ప్రకారం.. పట్టణానికి చెందిన విద్యార్థిని(18) హనుమకొండలో 2023-24లో ఇంటర్ చదివింది. పరీక్షలో ఫెయిల్ అవ్వడంతో సప్లిమెంటరీ రాసింది. మళ్లీ తప్పడంతో మసస్తాపం చెంది ఒంటరిగా బాధపడుతూ ఉండేది. ఈ క్రమంలో ఇంట్లో ఎవరూ లేని సమయంలో ఉరేసుకుంది. తల్లి ఫిర్యాదు మేరకు పోలీసులు కేసు నమోదు చేసుకున్నారు.
News January 11, 2025
వరంగల్ ఐలోని జాతరకు వేళాయే
కోరిన కోర్కెలు తీర్చే భక్తుల కొంగుబంగారం, గొల్లకురుమలు, ఒగ్గు కళాకారుల ఆరాధ్య దైవంగా పూజలందుకుంటున్న ఐలోని మల్లన్న పుణ్యక్షేత్రం స్వామివారి బ్రహ్మోత్సవాలకు రెడీ అయింది. గొల్లకురుమల జాతరగా పిలిచే ఐలోని మల్లన్న బ్రహ్మోత్సవాలు 12 నుంచి ప్రారంభం కానున్నాయి. సంక్రాంతి నుంచి ఉగాది వరకు కొనసాగుతాయి. చుట్టుపక్కల జిల్లాలు, వివిధ రాష్ట్రాల నుంచి భక్తులు పెద్ద ఎత్తున పాల్గొంటారు.