News February 22, 2025
విజయవాడ: శ్రీశైలంలో పర్యటించనున్న గవర్నర్
ఈనెల 24న రాష్ట్ర గవర్నర్ అబ్దుల్ నజీర్ శ్రీశైలం వెళ్లనున్నట్లు విజయవాడలోని ఆయన కార్యాలయం శుక్రవారం ఓ ప్రకటన విడుదల చేసింది. గవర్నర్ దంపతులు 24న సాయంత్రం విజయవాడ నుంచి హెలికాఫ్టర్‌లో సున్నిపెంట వెళతారని, అనంతరం రాత్రి 8.45కి స్వామివారి దర్శనం ముగించుకుంటారని పేర్కొంది. 25వ తేదీ ఉదయం 11.20కి వారు విజయవాడ చేరుకుంటారని గవర్నర్ కార్యాలయం తెలిపింది.
Similar News
News November 29, 2025
KNR: ఎన్నికలు.. జిల్లాలో జోరుగా బైండోవర్లు
కరీంనగర్ జిల్లాలో గ్రామపంచాయతీ ఎన్నికల సందర్భంగా 58 మందిని పోలీసులు బైండోవర్ చేశారు. కరీంనగర్ పరిధిలో 28 మందిని బైండోవర్ చేయగా, వీణవంక మండల పోలీస్ స్టేషన్ పరిధిలో 30 మందిని బైండోవర్ చేశారు. గత ఎన్నికలలో నేరాలకు పాల్పడిన పాత నేరస్థులను గుర్తిస్తూ ఎలాంటి అవాంఛనీయ సంఘటనలు జరగకుండా ముందస్తుగా పోలీసులు బైండోవర్ ప్రక్రియను అమలు చేస్తున్నారు.
News November 29, 2025
NZB: మొదటి విడత నామినేషన్లకు నేడే ముగింపు
గ్రామ పంచాయతీ ఎన్నికల మొదటి విడత పోరులో నామినేషన్ల స్వీకరణకు శనివారం సాయంత్రం 5 గంటలతో గడువు ముగియనుంది. జిల్లాలో మొదటి విడతలో బోధన్ డివిజన్‌లోని 184 జీపీలు, 1,642 వార్డు స్థానాలకు పోటీ జరగనుంది. దీనికి సంబంధించి రెండు రోజుల్లో సర్పంచ్ స్థానాలకు 304, వార్డు స్థానాలకు 382 నామినేషన్లు వచ్చాయి. నేడు నామినేషన్ల స్వీకరణ గడువు ముగియనున్న క్రమంలో భారీగా దరఖాస్తులు వచ్చే అవకాశాలు ఉన్నాయి.
News November 29, 2025
సీఎం స్వగ్రామంలో ‘సర్పంచ్’ ఏకగ్రీవం!
TG: సీఎం రేవంత్ రెడ్డి స్వగ్రామం నాగర్‌కర్నూల్ జిల్లా వంగూరు మండలం కొండారెడ్డిపల్లి పంచాయతీ ఎన్నిక దాదాపు ఏకగ్రీవం కానుంది. ఇక్కడ సర్పంచ్ స్థానం ఎస్సీకి రిజర్వ్ అయింది. దీంతో మల్లెపాకుల వెంకటయ్య అనే వ్యక్తిని ఏకగ్రీవంగా ఎన్నుకోవాలని స్థానిక నాయకులు, ఓటర్లు తీర్మానించినట్లు తెలుస్తోంది. ఇవాళే నామినేషన్లకు చివరిరోజు కావడంతో సర్పంచ్, వార్డు సభ్యులుగా ఒక్కో నామినేషన్ దాఖలు చేసేందుకు సిద్ధమయ్యారు.