News March 26, 2025
‘విద్యార్థుల్లో నైపుణ్యాలు పెంచేందుకు కృషిచేయాలి’
సంగారెడ్డిలోని తారా ప్రభుత్వ డిగ్రీ కళాశాల అకాడమిక్ కౌన్సిల్ మీటింగ్ ప్రిన్సిపల్ రత్న ప్రసాద్ అధ్యక్షతన మంగళవారం నిర్వహించారు. ముఖ్యఅతిథిగా హాజరైన ఉస్మానియా విశ్వవిద్యాలయం కామర్స్ సిటీ కృష్ణ చైతన్య మాట్లాడుతూ.. విద్యార్థుల్లో నైపుణ్యాలు పెంచేలా కృషి చేయాలని చెప్పారు. విద్యార్థులు ఉత్తమ పౌరులుగా తీర్చిదిద్దాలని పేర్కొన్నారు. సమావేశంలో అధ్యాపకులు పాల్గొన్నారు.
Similar News
News November 29, 2025
బల్మూరు విద్యార్థికి అరుదైన గౌరవం
బల్మూరు మండల కేంద్రంలోని పీఎం శ్రీ జడ్పీ ఉన్నత పాఠశాలలో చదువుతున్న గగన్ చంద్రకు జాతీయస్థాయిలో యంగ్ సైంటిస్ట్ అవార్డు లభించింది. భోపాల్‌లో జరిగిన జాతీయస్థాయి సైన్స్ ఫెయిర్-2025లో విద్యార్థి కనిపెట్టిన ‘పెట్రోల్ లేని సైకిల్ కమ్ సోలార్’ ప్రాజెక్ట్‌కు ఈ అవార్డు దక్కినట్లు హెచ్ఎం నరేందర్ రెడ్డి తెలిపారు. ఈ సందర్భంగా మండల కేంద్రంలో విద్యార్థితో అభినందన ర్యాలీ నిర్వహించారు.
News November 29, 2025
GNT: వీవీఐపీ మార్గాల్లో ప్రత్యేక భద్రతా తనిఖీలు
గుంటూరు ఎస్పీ వకుల్ జిందాల్ ఆదేశాలతో DSW, SSG బృందాలు ప్రకాశం బ్యారేజ్-సెక్రటేరియట్, లోటస్ పాయింట్-టీడీపీ కార్యాలయం మార్గాల్లో ప్రత్యేక భద్రత తనిఖీలు చేపట్టాయి. అదనపు ఎస్పీ హనుమంతు, SSG డీఎస్పీ రామకృష్ణ పర్యవేక్షణలో క్రిటికల్ పాయింట్లు, కల్వర్టులు, వ్యాపార సముదాయాలు, నిర్మాణ ప్రాంతాలు జాగిలాల సహాయంతో తనిఖీ చేశారు. ముందస్తు భద్రతా చర్యలను మరింత బలోపేతం చేయాలని అధికారులు తెలిపారు.
News November 29, 2025
నెల్లూరు: అరవ కామాక్షి ఏ పార్టీలో ఉందంటే..
కల్లూరుపల్లి హౌసింగ్ బోర్డ్ కాలనీలో నిన్న సీపీఎం కార్యకర్త పెంచలయ్య దారుణ హత్యకు గురయ్యారు. అయితే అతడిని అరవ కామాక్షి చేయించిందని పోలీసులు నిర్ధారించారు. ఆమె కోసం ప్రత్యేక బృందాలతో గాలిస్తున్నారు. ఈ క్రమంలో అరవ కామాక్షి టీడీపీలో ఉందని వైసీపీ ఆరోపిస్తుంటే.. ఎన్నికలకు ముందు ఆమె వైసీపీలోనే ఉందని టీడీపీ నేతలు ఆమె ఫోటోలను సోషల్ మీడియాలో వైరల్ చేస్తున్నారు.