News September 21, 2024
విద్యార్థుల మంచి మనసు.. నంద్యాల కలెక్టర్‌కు విరాళం అందజేత
విద్యార్థులు తాము దాచుకున్న పాకెట్ మనీని వరద బాధితుల సహాయార్థం అందించడం అభినందనీయమని నంద్యాల జిల్లా కలెక్టర్ రాజకుమారి గణియా తెలిపారు. జూపాడుబంగ్లా మండలంలోని డాక్టర్ బీఆర్ అంబేడ్కర్ గురుకుల పాఠశాల ప్రిన్సిపాల్ శ్రీదేవి, వైస్ ప్రిన్సిపాల్ మూర్తి ఆధ్వర్యంలో విద్యార్థులు దాచుకున్న రూ.11,675 చెక్కును శుక్రవారం జిల్లా కలెక్టర్ రాజకుమారికి అందించారు. ఉన్నతాధికారులు విద్యార్థులను అభినందించారు.
Similar News
News November 13, 2024
కర్నూలు మీదుగా శబరిమలకు స్పెషల్ రైలు
అయ్యప్ప భక్తుల రద్దీ దృష్ట్యా దక్షిణ మధ్య రైల్వే కర్నూలు మీదుగా శబరిమలకు ప్రత్యేక రైళ్లను ప్రకటించింది. ఈ నెల 14, 21, 28 తేదీలలో సాయంత్రం 5:50 నిమిషాలకు కర్నూలు మీదుగా కొట్టాయం వెళుతుంది. తిరిగి ఈ నెల 15, 22, 29 తేదీలలో రాత్రి 8:30 నిమిషాలకు బయలుదేరి మరుసటి రోజు సాయంత్రం 6:00 గంటలకు కర్నూలు చేరుతుందని రైల్వే అధికారులు తెలిపారు.
News November 13, 2024
కర్నూలు జిల్లాలో మరో రెండు దారుణాలు
ఉమ్మడి కర్నూలు జిల్లాలో మరో రెండు దారుణాలు వెలుగు చూశాయి. బేతంచెర్ల మండలంలో 2వ తరగతి చిన్నారికి ఓ వ్యక్తి మాయమాటలు చెప్పి తల్లి ఇంట్లో లేని సమయంలో అత్యాచారం చేయబోయాడు. చిన్నారి గట్టిగా కేకలు వేయడంతో పరారయ్యాడు. గూడూరు మండలంలోని ఓ మహిళ పొలం పనులకు వెళ్లగా గోపాల్ అనే వ్యక్తి అత్యాచారం చేయబోగా తప్పించుకుని పోలీసులకు ఫిర్యాదు చేశారు. కోస్గి మండలంలో బాలికపై <<14596443>>సర్పంచ్ <<>>ఇలాగే వ్యవహరించిన విషయం తెలిసిందే.
News November 13, 2024
KNL: బాలికపై సర్పంచ్ అత్యాచారయత్నం
బాలికపై సర్పంచ్ అత్యాచారయత్నం చేసిన ఘటన కర్నూలు జిల్లాలో కలకలం రేపింది. ఆమె తండ్రి వివరాల మేరకు.. కోసిగి మండలంలోని ఓ గ్రామానికి చెందిన ఫ్యామిలీ పత్తి పనులకు కర్ణాటక వెళ్లింది. 8వ తరగతి చదివే కుమార్తె(13)ను తాత వద్ద వదిలి వెళ్లారు. గత నెల 30న ఆమె ఇంటి బయట నిద్రిస్తుండగా ఇద్దరి సహకారంతో స్థానిక సర్పంచ్ అత్యాచారం చేయబోయాడు. అలికిడి విని తాత నిద్రలేవగా వాళ్లు పరారయ్యారు. పోలీసులు కేసు నమోదు చేశారు.