News October 18, 2024

విశాఖలో ప్రజా దర్బార్‌ నిర్వహించిన మంత్రి లోకేశ్

విశాఖ నగరంలోని టీడీపీ కార్యాలయంలో శుక్రవారం రాష్ట్ర విద్యాశాఖ మంత్రి నారా లోకేశ్ ప్రజా దర్బార్‌ను నిర్వహించారు. ప్రజల నుంచి వివిధ సమస్యలపై ఆయన అర్జీలు స్వీకరించారు. వాటిని పరిశీలించిన ఆయన పరిష్కారానికి చర్యలు తీసుకుంటానని హామీ ఇచ్చారు. 2013లో రిక్రూట్ చేసిన ఆర్టీసీ డ్రైవర్లను రెగ్యులర్ చేయాలని కాంట్రాక్ట్ ఆర్టీసీ డ్రైవర్లు మంత్రికి విజ్ఞప్తి చేశారు. ఈ కార్యక్రమంలో ఎంపీ శ్రీభరత్ పాల్గొన్నారు.