News August 18, 2024

విశాఖలో సిక్కోలు విద్యార్థి మిస్సింగ్‌పై కేసు నమోదు

సోంపేట మండలం బైరిపురం గ్రామానికి చెందిన ముంజుల మోహన్ (17) విశాఖ జిల్లా ఆనందపురం సమీపంలో ఉన్న ఓ కళాశాలలో ఇంటర్ ద్వితీయ సంవత్సరం చదువుతున్నాడు. స్వగ్రామానికి వచ్చిన మోహన్ శుక్రవారం సాయంత్రం సోంపేట నుంచి విశాఖ వెళ్లే ఆర్టీసీ బస్సులో తన తండ్రి శంకర్ ఎక్కించారు. తన కుమారుడు నేటి వరకు కళాశాలకు చేరకపోవడంతో.. కుమారుని ఆచూకీ కోసం ఆనందపురం పోలీసులకు తండ్రి శంకర్ ఫిర్యాదు చేశాడు.