News July 7, 2024

విశాఖ-కిరండూల్-విశాఖ ప్యాసింజర్ రద్దు

కేకే లైన్‌లో భద్రతాపరమైన ఆధునీకరణ పనుల కారణంగా విశాఖ-కిరండూల్-విశాఖ రైళ్లు ఈ నెల 8,9 తేదీల్లో రద్దు చేసినట్లు అరకు రైల్వేస్టేషన్ అధికారులు తెలిపారు. ఈనెల 8న ఉదయం 6.45 గంటలకు విశాఖ నుంచి కిరండూల్ బయలుదేరే స్పెషల్ ప్యాసింజర్(08551), అలాగే 9వ తేదీ ఉదయం 6 గంటలకు కిరండూల్ నుంచి విశాఖ బయలుదేరే ప్యాసింజర్(08552) రద్దు చేశారు. కావున ప్రయాణికులు, పర్యాటకులు గమనించి సహకరించాలని కోరారు.