News April 24, 2024

విశాఖ: బొగ్గు రవాణా నిలిచిపోవడంపై హైకోర్టులో కేసు

image

స్టీల్ ప్లాంట్‌కు గంగవరం అదానీ పోర్టు నుంచి బొగ్గు రవాణా నిలిచిపోవడంపై ఉక్కు అధికారుల సంఘం హైకోర్టులో కేసు వేసింది. గంగవరం పోర్టులో విశాఖ స్టీల్ ప్లాంట్‌కు చెందిన కోకింగ్ కోల్, లైన్ స్టోన్ సుమారు మూడు లక్షల టన్నులు ఉందన్నారు. ఈనెల 12 నుంచి పోర్ట్ కార్మికుల ఆందోళన వల్ల వాటి రవాణా నిలిచిపోయిందన్నారు. దీనిపై కోర్టు స్పందిస్తూ ఉన్నతాధికారులకు నోటీసులు జారీ చేసినట్లు సంఘం ప్రతినిధి ప్రసాద్ తెలిపారు.

Similar News

News November 29, 2025

విశాఖ: ‘ఉచిత శిక్షణ.. డిసెంబర్ 3లోగా దరఖాస్తు చేసుకోండి’

image

సివిల్ సర్వీసెస్ ప్రిలిమ్స్, మెయిన్స్ పరీక్షల ఉచిత శిక్షణకు డిసెంబరు 3వ తేదీ వరకు గడువు పొడిగించినట్టు సర్దార్ గౌతులచ్చన్న ఏపీ బీసీ స్టడీ సర్కిల్ డైరెక్టర్ కె.రాజేశ్వరి తెలిపారు. ప్రవేశ పరీక్ష కూడా డిసెంబరు 7కి వాయిదా వేసినట్టు పేర్కొన్నారు. విశాఖ జిల్లాకు చెందిన, ఏదైనా డిగ్రీ పూర్తిచేసిన ఎస్సీ, ఎస్టీ, బీసీ విద్యార్థుల నేరుగా ఎంవీపీ కాలనీ 6వ సెక్టార్లోని కార్యాలయంలో తమ దరఖాస్తులు అందజేయాలన్నారు.

News November 29, 2025

విశాఖ: రైలులో నొప్పులు.. అంబులెన్స్‌లోనే ప్రసవం

image

విశాఖ రైల్వే స్టేషన్‌లో గురువారం రాత్రి రైలులో ప్రయాణిస్తున్న ఓ గర్భిణి అకస్మాత్తుగా తీవ్రమైన నొప్పితో అస్వస్థతకు లోనైంది. అధిక రక్తపోటు లక్షణాలు కనిపించడంతో స్టేషన్ చేరుకున్న వెంటనే గేట్ నెం.1 వద్ద ఉన్న అంబులెన్స్‌‌‌లో డా.భాషిణి ప్రియాంక నేతృత్వంలో తక్షణ చికిత్స అందించగా సాధారణ ప్రసవం జరిగింది. అనంతరం తల్లి, శిశువుకి రైల్వే ఆసుపత్రిలో చికిత్స అందించి, KGHకి తరలించారు.

News November 29, 2025

డిసెంబర్ నెలలో రేషన్ డిపోలలో రాగుల పంపిణీ: విశాఖ జేసీ

image

డిసెంబర్ నెలలో రేషన్ డిపోలలో రాగులు పంపిణీ చేయనున్నట్లు జాయింట్ కలెక్టర్ మయూర్ అశోక్ శుక్రవారం తెలిపారు. లబ్ధిదారులకు మూడు కేజీల బియ్యానికి బదులుగా మూడు కేజీల రాగులు అందజేయనున్నట్లు వెల్లడించారు. రేషన్ డిపోలకు వెళ్లే లబ్ధిదారులు ఈ విషయాన్ని గమనించి ప్రభుత్వం అందిస్తున్న పోషకాహారాన్ని వినియోగించుకోవాలని ఆయన కోరారు.