News April 4, 2025
విశాఖ మేయర్ పీఠంపై ఎవరి ధీమా వారిదే..!
విశాఖ మేయర్ పీఠంపై ఎవరి ధీమా వారికే ఉంది. మొత్తం 98 కార్పోరేషన్లకు గాను ఒక స్థానం ఖాళీగా ఉంది. 14 మంది ఎక్స్ అఫిషియో సభ్యులతో కలిసి 111 ఓట్లు ఉన్నాయి. అవిశ్వాసం నెగ్గాలంటే 2/3 సభ్యుల మద్ధతు అవసరం. ఇప్పటికే 71 మంది మద్ధతు తమకు ఉందని కూటమి నేతలు ధీమా వ్యక్తం చేస్తున్నారు. YCP కార్పొరేటర్లు తమతోనే ఉన్నారని ఆ పార్టీ పెద్దలు చెప్తుతున్నారు. మరి వీరిలో ఎవరు నెగ్గుతారో చూడాలంటే ఈనెల 19 వరకు ఆగాల్సిందే.
Similar News
News April 19, 2025
విశాఖ కొత్త మేయర్ ఆయనేనా?
జీవీఎంసీ మేయర్‌పై అవిశ్వాస తీర్మానంలో కూటమి నెగ్గడంతో కొత్త మేయర్ ఎవరన్న సందిగ్ధంలో కార్పొరేటర్లు ఉన్నారు. కూటమిలో పలువురు ఆశావాహులు మేయర్ పదవిని ఆశిస్తున్నట్లు సమాచారం. అయితే టీడీపీ ఫ్లోర్ లీడర్‌గా ఉన్న పీలా శ్రీనివాస్‌కే పదవి దక్కే అవకాశాలు ఉన్నట్లు విశ్వసనీయ వర్గాల ద్వారా తెలిసింది. త్వరలోనే డిప్యూటీ మేయర్ పదవికి అవిశ్వాసం జరిగితే ఆ పదవి జనసేనకు కేటాయిస్తారని కూటమి వర్గాల్లో చర్చనడుస్తోంది.
News April 19, 2025
విశాఖ మేయర్ పీఠం.. పార్టీల బలాబలాలు
మరికొద్ది గంటల్లో విశాఖ మేయర్ పీఠంపై ఉత్కంఠ వీడనుంది. 2021లో జరిగిన GVMC ఎన్నికల్లో YCP 58 స్థానాలు నెగ్గి మేయర్ పీఠం కైవశం చేసుకుంది. TDP-30, JSP-3, CPM, CPI ఒక్కో స్థానం గెలిచాయి. కూటమి అధికారంలోకి వచ్చిన తర్వాత ఈ సమీకరణాలు మారాయి. దీంతో మేయర్‌పై అవిశ్వాస తీర్మానం ప్రవేశపెట్టారు. కూటమికి సుమారు 64 మంది, YCPకి 30 మంది కార్పొరేటర్‌లున్నారు. ఈ ఓటింగ్‌కు కమ్యూనిస్ట్ పార్టీలు దూరంగా ఉంటున్నాయి.
News April 19, 2025
ఉరి వేసుకుని విద్యార్థి ఆత్మహత్య
సబ్బవరం మండలం గణపతి నగర్‌లో డిగ్రీ చదువుతున్న విద్యార్థి కె.అప్పలనాయుడు ఉరి వేసుకుని ఆత్మహత్య చేసుకున్నాడు. గురువారం అర్ధరాత్రి ఇంటికి వచ్చి గదిలోకి వెళ్లాడు. గంట తర్వాత స్నేహితుడు సుబ్రహ్మణ్యంకు వీడియో కాల్ చేసి ఆత్మహత్య చేసుకుంటున్నట్లు తెలిపాడు. స్నేహితుడు గణపతి నగర్‌కు వచ్చి చూడగా అప్పటికే మృతి చెందాడు. తల్లి లీలా కుమారి ఫిర్యాదు మేరకు పోలీసులు శుక్రవారం కేసు నమోదు చేశారు.