News November 20, 2024
విశాఖ: లంచ్ బాక్సులో గంజాయి.. ఉద్యోగి అరెస్టు
విశాఖ సెంట్రల్ జైలులో రిమాండ్ ఖైదీకి గంజాయి సప్లై చేస్తున్న జైలు హాస్పిటల్ ఫార్మసిస్టు కడియం శ్రీనివాసరావును ఆరిలోవ పోలీసులు మంగళవారం అరెస్టు చేశారు. శ్రీనివాసరావుతో రిమాండ్ ఖైదీ గుర్రాల సాయి పరిచయం ఏర్పాటు చేసుకుని.. ఇంటి నుంచి వచ్చేటప్పుడు తన సోదరుడు గంజాయి ఇస్తాడని, దాన్ని తీసుకొస్తే డబ్బులిస్తానని ఆశ చూపాడు. లంచ్ బాక్సులో 95 గ్రాముల గంజాయిని ఉండలుగా చుట్టి తీసుకురాగా పోలీసులు అరెస్టు చేశారు.
Similar News
News December 8, 2024
ఎడ్యుకేషన్ హబ్‌గా ఏపీ: హోంమంత్రి అనిత
సీఎం చంద్రబాబు, రాష్ట్ర విద్యాశాఖ మంత్రి నారా లోకేశ్ సారథ్యంలో ఏపీ ఎడ్యుకేషన్ హబ్‌గా మారుతుందని రాష్ట్ర హోంశాఖ మంత్రి వంగలపూడి అనిత పేర్కొన్నారు. ఏపీకి 8 కేంద్రీయ విద్యాలయాలు కేటాయిస్తూ కేంద్రం నిర్ణయం తీసుకోవడం పట్ల ఆమె ‘X’ ద్వారా హర్షం వ్యక్తం చేశారు. గత ప్రభుత్వ హయాంలో ఐదేళ్లలో రెండు స్కూల్స్ మాత్రమే మంజూరైతే కూటమి ప్రభుత్వ పాలనలో ఏడాదిలో 8 స్కూల్స్ మంజూరైనట్లు తెలిపారు.
News December 8, 2024
విశాఖ: కష్టాల్లో ఆదుకుంటున్న నితీశ్..!
ఇండియా క్రికెట్ ఫ్యాన్స్‌కు పరిచయం అక్కర్లేని పేరు నితీశ్ కుమార్ రెడ్డి. సన్ రైజర్స్ తరఫున రైజింగ్ ఇన్నింగ్స్‌లు ఆడిన ఈ వైజాగ్ ఆల్ రౌండర్‌ IND టీంలో చోటు సాధించారు. ఫార్మాట్ ఏదైనా తనదైన శైలిలో నిలకడగా రాణిస్తూ జట్టు విజయాల్లో కీ రోల్ పోషిస్తున్నారు. బోర్డర్-గావస్కర్ టోర్నీలో అతని ఇన్నింగ్సే దీనికి నిదర్శనం. వరుసగా నాలుగు ఇన్నింగ్స్‌లలో 41,38,42,42 రన్స్ చేసి కష్టాల్లో ఉన్న జట్టును ఆదుకున్నారు.
News December 8, 2024
పాడేరులో ఉద్యోగిపై పోక్సో నమోదు
పాడేరు ఏకలవ్య మోడల్ పాఠశాలలో 7వ తరగతి విద్యార్థినిపై అఘాయిత్యానికి పాల్పడిన ల్యాబ్ ఉద్యోగి అనూజ్ సింగ్ పటేల్‌పై పోక్సో కేసు నమోదు చేశామని గిరిజన సంక్షేమ శాఖ డీడీ ఎల్.రజిని శనివారం తెలియజేశారు. ఐటీడీఏ ప్రాజెక్ట్ అధికారి వి.అభిషేక్ ఆదేశాల మేరకు ప్రిన్సిపల్‌కు షోకాజ్ నోటీసులు జారీ చేశామని చెప్పారు. ఘటనపై విచారణ జరిపించి, బాధ్యులపై కఠిన చర్యలు తీసుకుంటామన్నారు.