News August 18, 2024

విశాఖ: వైద్యుల సెలవులు రద్దు

కోల్‌కతాలో ట్రైనీ డాక్టర్ హత్యాచార ఘటనపై వైద్యులు ఆందోళన తీవ్రతరం చేస్తున్నారు. ఈక్రమంలో విశాఖ కేజీహెచ్ సూపరింటెండెంట్ డాక్టర్ శివానంద వైద్యుల సెలవులు రద్దు చేశారు. మరోవైపు జూనియర్ వైద్యుల సమ్మె ప్రభావంతో కేజీహెచ్ క్యాజువాలిటీ విభాగం రోగులు లేక శనివారం వెలవెలబోయింది. అత్యవసర రోగుల కోసం ప్రత్యామ్నాయ ఏర్పాట్లు చేశారు. 25 మంది వైద్యులను ఓపీతో పాటు వార్డుల్లో నియమించి సేవలు అందించారు.