News April 9, 2025

విశాఖ: సమ్మర్ యాక్షన్ ప్లాన్‌పై అవగాహన

image

వడదెబ్బ తగలకుండా నగర ప్రజలు తగిన జాగ్రత్తలు తీసుకోవాలని జీవీఎంసీ ప్రధాన వైద్యాధికారి నరేశ్ కుమార్ పేర్కొన్నారు. మంగళవారం జీవీఎంసీ ప్రధాన కార్యాలయంలోని సమ్మర్ యాక్షన్ ప్లాన్‌పై అవగాహన నిర్వహించారు. జీవీఎంసీ పలుచోట్ల చలివేంద్రాలను ఏర్పాటు చేస్తుందని స్వచ్ఛంద సంస్థలు కూడా నగరంలో చలివేంద్రాలు ఏర్పాటుకు ముందుకు రావాలని పిలుపునిచ్చారు. వారికి జీవీఎంసీ సహాకారం అందిస్తుందన్నారు.

Similar News

News November 30, 2025

విశాఖ: బీచ్ రోడ్డులో వైసీపీ కోటి సంతకాల సేకరణ

image

ప్రభుత్వం మెడికల్ కాలేజీలను ప్రైవేటుపరం చేయడం తగదని మాజీ మంత్రి బాలరాజు అన్నారు. బీచ్ రోడ్డులో వైసీపీ నిర్వహించిన కోటీ సంతకాల సేకరణలో ఆయన పాల్గొని నిరసన వ్యక్తం చేశారు. సంతకాల సేకరణ పూర్తి చేసి గవర్నర్‌కు అందజేస్తామని విశాఖ జిల్లా అధ్యక్షుడు కే.కే.రాజు, ముఖ్య నాయకులు తెలిపారు. ప్రజల్లో ప్రభుత్వ వ్యతిరేకత పెరిగిందని వారు పేర్కొన్నారు.

News November 30, 2025

వీఎంఆర్డీఏ పర్యాటక ప్రాంతాల సందర్శనకు ఇంటిగ్రేటెడ్ కార్డులు

image

వీఎంఆర్డీఏకు చెందిన పర్యాటక ప్రాంతాల సందర్శనకు ఇంటిగ్రేటెడ్ కార్డులు ప్రవేశపెడుతున్నామని ఛైర్మన్ ప్రణవ్ గోపాల్ తెలిపారు. వీఎంఆర్డీఏ కార్యాలయంలో శనివారం బోర్డు సమావేశం జరిగింది. పర్యాటకుల సౌకర్యం కోసం ఈ కార్డును ప్రవేశపెట్టాలని నిర్ణయించినట్లు తెలిపారు. మాస్టర్ ప్లాన్ రహదారులు, 2040 మాస్టర్ ప్లాన్, కైలాసగిరిపై అభివృద్ధి ప్రాజెక్టులపై సమావేశంలో చర్చించామన్నారు.

News November 29, 2025

విశాఖలో 209 మంది పోలీసులకు రివార్డులు

image

విశాఖ పరిధిలో ప్రతిభ కనబర్చిన 209 మంది పోలీస్ సిబ్బందికి సీపీ శంఖబ్రత బాగ్చి శనివారం రివార్డులు అందజేశారు. హోంగార్డు నుంచి సీఐ స్థాయి అధికారులు రివార్డులు అందుకున్నారు. గంజాయి సీజ్, పలు కేసుల్లో చోరీ కాబడిన సొత్తు, ఇతర వస్తువుల రికవరీ, సైబర్ క్రైమ్ కేసుల్లో ఉత్తమ ప్రతిభ, ముఖ్యపాత్ర పోషించిన సిబ్బందికి ప్రశంసా పత్రాలు అందజేశారు. సీపీ ప్రతి నెలా రివార్డులను అందజేస్తున్నారు.