News September 4, 2024
వి.కోటలో రెండో రోజూ 144 సెక్షన్
చిత్తూరు జిల్లా వి.కోట పట్టణంలో క్రికెట్ బాల్ వివాదం పెద్ద ఘర్షణకు దారి తీసిన విషయం తెలిసిందే. ఇరువర్గాల దాడి నేపథ్యంలో పోలీసులు వి.కోట పట్టణంలో నిన్న 144 సెక్షన్ అమలు చేశారు. భారీగా పోలీసులు మోహరించారు. రెండు వర్గాల పెద్దలతో మాట్లాడిన కలెక్టర్, ఎస్పీ ఇరు వర్గాలపైన కేసులు నమోదు చేస్తామని చెప్పారు. ముందస్తు జాగ్రత్తగా వి.కోట పట్టణంలో బుధవారం రెండో రోజు 144 సెక్షన్ కొనసాగిస్తున్నారు.
Similar News
News November 27, 2025
అధికారులకు కలెక్టర్ కీలక ఆదేశాలు
‘రైతన్న మీ కోసం’ కార్యక్రమంలో సంబంధిత శాఖల అధికారులు విధిగా పాల్గొనాలని కలెక్టర్ సుమిత్ కుమార్ గాంధీ ఆదేశించారు. ఈ మేరకు అధికారులతో ఆయన టెలీకాన్ఫరెన్స్ నిర్వహించారు. ఈ కార్యక్రమంలో జిల్లా, డివిజన్, మండల అధికారులు పాల్గొనాలన్నారు. కలెక్టర్ మాట్లాడుతూ.. జిల్లాలో రైతన్న మీకోసం కార్యక్రమంలో భాగంగా సర్వే జరుగుతోందని, ప్రతి ఒక్క అధికారి రైతుల ఇళ్లకు వద్దకు వెళ్లి వివరాలు నమోదు చేయాలని ఆదేశించారు.
News November 26, 2025
భూపతి మృతిపట్ల CM చంద్రబాబు విచారం
రామకుప్పం(M) వీర్నమలకు చెందిన వన్నెకుల క్షత్రియ కార్పొరేషన్ డైరెక్టర్ భూపతి మృతి పట్ల CM చంద్రబాబు విచారం వ్యక్తం చేశారు. భూపతి విద్యుత్ షాక్‌తో మృతి చెందడం బాధాకరమని, వార్డు మెంబర్, గ్రామ పార్టీ అధ్యక్షుడిగా పార్టీ కోసం ఎంతగానో కష్టపడి పని చేశారని గుర్తు చేసుకున్నారు. అలాంటి యువకుడు విద్యుత్ షాక్‌తో మృతి చెందడం బాధాకరమన్నారు. భూపతి కుటుంబానికి పార్టీ అన్ని విధాలుగా అండగా ఉంటుందని CM అన్నారు.
News November 26, 2025
చిత్తూరు: టెన్త్ హాల్ టికెట్‌పై క్యూఆర్ కోడ్
టెన్త్ పరీక్షలు రాసే విద్యార్థుల హాల్ టికెట్‌పై పరీక్షా కేంద్రాన్ని తెలిపే క్యూఆర్ కోడ్‌ను ముద్రించనున్నారు. దీని ద్వారా విద్యార్థులు కేంద్రాలను గుర్తించడం సులభతరం కానుంది. చిత్తూరు జిల్లాలోని 535 ఉన్నత పాఠశాలల నుంచి సుమారు 22 వేల మంది విద్యార్థులు పరీక్షకు హాజరుకానున్నారు. ఇందుకోసం అధికారులు 122 కేంద్రాలను ఏర్పాటు చేశారు. వీటి వివరాలను క్యూఆర్ కోడ్ ద్వారా తెలుసుకోవచ్చు.