News April 13, 2025

వీఆర్ పురం : ఉరివేసుకుని బాలిక మృతి

వీఆర్ పురం మండలం జీడిగుప్పలో శనివారం 15 ఏళ్ల బాలిక చెట్టుకు ఉరివేసుకుని మృతి చెందినట్లు ఎస్సై సంతోశ్ కుమార్ తెలిపారు. చింతూరు మండలం వెదుళ్లపల్లికి చెందిన బాలిక కుటుంబం మిరప తోటల్లో పని చేయడానికి నెల రోజుల క్రితం జీడిగుప్ప వచ్చింది. తిరిగి ఇంటికి వెళ్లి పోదామని బాలికతల్లిని కోరగా ఆమె నిరాకరించింది. దీంతో మనస్తాపానికి గురై ఆత్మహత్యకు పాల్పడిందని ఎస్సై తెలిపారు.