News November 11, 2024

వెంకటంపేట చెరువులో యువకుడు అనుమానాస్పద మృతి

దుత్తలూరు మండలం వెంకటంపేట చెరువులో యువకుడు అనుమానస్పదంగా మృతి చెందారు. మృతదేహం చెరువు తూము దగ్గర తేలి ఆడడంతో స్థానికులు గమనించారు. మృతి చెందిన యువకుడు వెంకటంపేట గ్రామానికి చెందిన పందిర్ల గురు చరణ్ (17) గా గుర్తించారు. ఆదివారం నుంచి ఆ యువకుడు కనిపించకపోవడంతో కుటుంబ సభ్యులు గాలించారు. చెరువులో ఆ యువకుడు మృతదేహం లభ్యం కావడంతో కుటుంబ సభ్యులు ఘటనా స్థలానికి చేరుకుని కన్నీటిపర్యంతం అయ్యారు.