News August 9, 2024
వెంకటగిరి: చనిపోయిన భార్య శిలా విగ్రహాన్ని చేయించి పూజించిన భర్త
చనిపోయిన భార్యపై ప్రేమను భర్త వినూత్నంగా చాటుకున్నారు. వెంకటగిరికి చెందిన భక్తకవి పెనగలూరి కుమార్ భార్య భూషణమ్మ గతేడాది మరణించారు. దీంతో భార్య జ్ఞాపకార్థం ఆమె సంవత్సరికం సందర్భంగా శిలా విగ్రహాన్ని తన స్వగృహంలో ప్రతిష్ఠించి పూజలు చేశారు. భార్యపై తనకున్న ప్రేమ అమూల్యమైనదని చాటి చెప్పారు.
Similar News
News November 29, 2025
భారీ వర్షాల హెచ్చరిక నేపథ్యంలో కలెక్టరేట్లో కంట్రోల్ రూం ఏర్పాటు
నైరుతి బంగాళాఖాతంలో ఏర్పడిన దిత్వా తుఫాన్ వాయుగుండంగా బలపడే అవకాశం ఉన్నందున కలెక్టరేట్లో కంట్రోల్ రూమ్ ఏర్పాటు చేసినట్లు జాయింట్ కలెక్టర్ మొగిలి వెంకటేశ్వర్లు ఒక ప్రకటనలో తెలిపారు. లోతట్టు ప్రాంతాలు, తీర ప్రాంతాల్లో నివసించే ప్రజలను అప్రమత్తంగా ఉండాలన్నారు. వర్షాల వలన ఇబ్బందులు తలెత్తితే కంట్రోలు రూం నెంబర్లు 0861 2331261, 7995576699 కు ఫోన్‌ చేసి సమాచారం ఇవ్వాలన్నారు.
News November 29, 2025
కోటంరెడ్డి, YCP ట్వీట్.. కామాక్షి అసలే పార్టీ..?
నెల్లూరులో పెంచలయ్య హత్యపై YCP, MLA కోటంరెడ్డి ట్వీట్‌లు చేశారు. ‘పెంచలయ్య హత్య కుట్రదారు ఆరవ కామాక్షిగా పోలీసులు తేల్చారు. ఈ కూనికోరు కామాక్షి నెల్లూరు రూరల్ MLA కోటంరెడ్డి అనుచరురాలు. ఈ హత్య వెనుక కోటంరెడ్డి బ్రదర్స్ ఉన్నారని బాధిత కుటుంబం ఆరోపిస్తోంది. హత్యలు మీరు చేసి నిందలు ఎదుటివారిపైన వేస్తారా చంద్రబాబు?’ అని YCP ట్వీట్ చేయగా.. ‘నిందితులంతా వైసీపీ వాళ్లే’ అంటూ కోటంరెడ్డి మరొక ట్వీట్ చేశారు.
News November 29, 2025
దివ్యాంగ విద్యార్థుల కోసం ఈ రాయితీలు ఉన్నాయి.. మీకు తెలుసా.?
అంగవైకల్యం కలిగిన 10వ తరగతి విద్యార్థులు పరీక్షలు రాసేందుకు కేటగిరి వారిగా మినహాయింపు సౌకర్యం పొందుతారని జిల్లా విద్యాశాఖ అధికారులు తెలిపారు. అంధులు, మానసిక వికలాంగులు తదితరులందరికీ ప్రయోజనాలు సమకూరుతాయని అన్నారు. అయితే ముందుగా వారు తమ పేర్లను నమోదు చేయించుకోవాలని సూచించారు. ఈ విషయమై పాఠశాలల HMలు అందరికీ సూచనలు ఇవ్వడం జరిగిందన్నారు. ప్రభుత్వం కల్పించిన ఈ అవకాశాన్ని సద్వినియోగం చేసుకోవాలని కోరారు.