News February 2, 2025
వేములవాడ: పులి పుకార్లను నమ్మవద్దు: డీఎఫ్‌వో
పులి దొరికిందన్న పుకార్లను నమ్మవద్దని జిల్లా అటవీశాఖ అధికారి బాలమణి అన్నారు. మండలంలో పులి సంచారం ఉందన్న సమాచారం మేరకు నూకలమర్రి గ్రామ శివారులో పలు ప్రాంతాలను సిబ్బందితో కలిసి ఆమె శనివారం పరిశీలించారు. అనంతరం వేములవాడలోని అటవీశాఖ కార్యాలయంలో డీఎఫ్‌వో మాట్లాడుతూ.. పులి సంచారంపై గ్రామాల ప్రజలందరూ ఆందోళన చెందవద్దన్నారు. పొలాలకు వెళ్లే రైతులు అటవీశాఖ అధికారులు సూచనలను తప్పనిసరిగా పాటించాలన్నారు.
Similar News
News November 30, 2025
కృష్ణా: LLB పరీక్షా ఫలితాలు విడుదల
కృష్ణా విశ్వవిద్యాలయం అనుబంధ కళాశాలలకు సంబంధించి LLB-2, BA LLB-2, 6 సెమిస్టర్ ఫలితాలను విశ్వవిద్యాలయం అధికారులు విడుదల చేశారు. LLB-2లో 261 మంది పరీక్షలు రాయగా 77.78% ఉత్తీర్ణత సాధించారన్నారు. BA LLB-2 సెమిస్టర్‌లో 87.79%, BA LLB-6 సెమిస్టర్‌లో 94.12% ఉత్తీర్ణత సాధించారని పరీక్షల నియంత్రణాధికారి డా.పి.వి బ్రహ్మచారి తెలియజేశారు.
News November 30, 2025
బీజేపీ ఖమ్మం జిల్లా ఇన్‌ఛార్జ్‌గా మహిపాల్ రెడ్డి
బీజేపీ జిల్లాల వారీగా పార్టీ ఇన్‌ఛార్జుల పేర్లను రాష్ట్ర ప్రధాన కార్యదర్శి గౌతమ్ రావు శనివారం ప్రకటించారు. ఇందులో భాగంగా బద్ధం మహిపాల్ రెడ్డి ఖమ్మం జిల్లా ఇన్‌ఛార్జ్‌గా నియమితులయ్యారు. ఖమ్మానికి చెందిన కొండపల్లి శ్రీధర్ రెడ్డిని వరంగల్ జిల్లా ఇన్‌ఛార్జ్‌గా, సన్నె ఉదయ్ ప్రతాప్‌ను నల్గొండ జిల్లా ఇన్‌ఛార్జ్‌గా నియమించినట్లు వెల్లడించారు. ఈ నియామకాలు తక్షణమే అమల్లోకి వస్తాయని పార్టీ వర్గాలు తెలిపాయి.
News November 30, 2025
TG న్యూస్ అప్డేట్స్
* 1,365 గ్రూప్-3 ఉద్యోగాల భర్తీకి అభ్యర్థుల సర్టిఫికెట్ల పరిశీలన నిన్నటితో ముగిసింది.
* నాగర్‌కర్నూల్ జిల్లా ప్రభుత్వ మెడికల్ కాలేజీలో ర్యాగింగ్.. నలుగురు విద్యార్థులు సస్పెండ్.
* చెన్నైలో DEC 2న జరిగే ఇగ్నిషన్ సదస్సులో పాల్గొనాల్సిందిగా KTRను శివ్ నాడార్ ఫౌండేషన్ ఆహ్వానించింది.
* విదేశాల్లో ఉన్నతవిద్యను అభ్యసించేందుకు కీలకమైన IELTSలో ఉచిత శిక్ష ఇవ్వనున్నట్లు బీసీ స్టడీ సర్కిల్ ప్రకటించింది.