News March 23, 2025
వేములవాడ: రాజన్న ఆలయంలో ఈనెల 30 నుంచి శ్రీరామ నవరాత్రి ఉత్సవాలు
రాజన్న సన్నిధిలో ఈనెల 30 నుంచి ఏప్రిల్ 6 వరకు శ్రీరామ నవరాత్రోత్సవాలు నిర్వహించేందుకు ఏర్పాటు చేస్తున్నట్లు ఆలయ ఈఓ వినోదొడ్డి తెలిపారు. 30న ఉగాది సందర్భంగా ఉదయం 9 గంటలకు ప్రత్యేకపూజలు, సాయంత్రం 4.30కు పంచాంగ శ్రవణం, పండిత సత్కారం ఉంటుందన్నారు. రాత్రి 8 గంటలకు స్వామివారిని పెద్దసేవపై ఊరేగిస్తారని తెలిపారు. ఏప్రిల్ 6న సీతారామచంద్రస్వామి వారి కళ్యాణోత్సవం ఉంటుందన్నారు.
Similar News
News November 30, 2025
ప్రకాశం జిల్లాలో వారికి సెలవులు రద్దు
దిత్వా తుఫాన్ నేపథ్యంలో ప్రకాశం జిల్లాలోని విద్యుత్తు శాఖ సిబ్బందికి 3రోజులు సెలవులు రద్దు చేశామని ఎస్ఈ కట్టా వెంకటేశ్వర్లు వెల్లడించారు. ఒంగోలులోని విద్యుత్ భవన్‌లో ఆదివారం ఆయన మాట్లాడుతూ.. విద్యుత్ వినియోగదారులు జాగ్రత్తలు తీసుకోవాలని కోరారు. వర్షాల సమయంలో మోటార్లు, స్తంభాల వద్దకు వెళ్లకుండా ఉండడమే మంచిదని సూచించారు. అత్యవసర సమయాల్లో 9440817491కు కాల్ చేయాలని కోరారు.
News November 30, 2025
మర్రిగూడ: హెచ్చరిక.. మా ఓటు డబ్బుకు, మద్యానికి అమ్ముకోము
మర్రిగూడ మండలం నేటి చందాపురంలో పగిళ్ల రామచంద్ర దంపతులు మా ఓటు డబ్బుకు, మద్యానికి అమ్ముకోమని తమ ఇంటి ప్రహరీపై హెచ్చరిక బోర్డు ఏర్పాటు చేశారు. ఓటు అడగడానికి వచ్చే సర్పంచి, వార్డు మెంబర్ అభ్యర్థులు బోర్డు చదివి ఇంట్లోకి రావాలన్నారు. ఇది చూసిన కొంతమంది గ్రామస్థులు ఆ కుటుంబ సభ్యులను శాలువాతో సన్మానించారు. ఈ కార్యక్రమంలో ఏర్పుల యాదయ్య, గణేష్ సాయి పాల్గొన్నారు.
News November 30, 2025
HYD: ప్రారంభం సరే.. మరి పోస్టుల సంగతేంటి సారూ.?
సనత్‌నగర్ టిమ్స్ ఆస్పత్రిని సోనియా గాంధీ జన్మదినమైన డిసెంబర్ 9న ప్రారంభించి బహుమతిగా ఇస్తామని సీఎం రేవంత్ రెడ్డి గతంలో ప్రకటించారు. అయితే ప్రారంభోత్సవంపై నీలి నీడలు కమ్ముకున్నట్లు తెలుస్తోంది. ఇంతవరకు ఆస్పత్రిలో అసలు సిబ్బంది నియామకమే జరగలేదు. సేవలందించేందుకు మొత్తం ఎంతమంది అవసరం అనేది వైద్యశాఖ కనీసం అంచనాకు కూడా రాలేదని సమాచారం. దీంతో ప్రారంభోత్సవం జరుగుతుందా అనే అనుమానాలు వస్తున్నాయి.