News January 31, 2025

వేములవాడ: ‘విద్యార్థులకు ఒత్తిడి లేని విద్యను అందించాలి’

విద్యార్థులకు కెరీర్ గైడెన్స్, కౌన్సెలింగ్ పై జిల్లాలోని టీచర్లకు వేములవాడలోని ఉన్నత పాఠశాలలో 2 రోజుల శిక్షణ ఇచ్చారు. దీనికి హాజరైన సైకాలజిస్ట్ పున్నంచందర్, విద్యార్థుల్లో ఒత్తిడిని తగ్గించే మెలకువలు తెలిపారు. టీనేజ్ లో విద్యార్థులు ఎదుర్కొనే శారీరక, మానసిక, నైతిక సమస్యల పట్ల అవగాహన కల్పించి భవిష్యత్ కోసం సరైన మార్గదర్శకం చేయాలన్నారు. ఒత్తిడి లేని, విలువలతో కూడిన విద్యను అందించాలన్నారు.