News August 14, 2024
వైరాలో సీఎం బహిరంగ సభా వేదిక సిద్ధం
వైరాలో రేపు జరిగే CM రేవంత్ రెడ్డి రైతు సదస్సు బహిరంగ సభా వేదిక సిద్ధమైంది. సుమారు 5లక్షలకు పైగా ప్రజలు వచ్చే అవకాశం ఉన్నట్లు అధికారులు భావిస్తున్నారు. ఇప్పటికే దాదాపుగా CM పర్యటన ఏర్పాట్లను జిల్లా అధికారులు పూర్తి చేశారు. అటు సభకు వచ్చే ప్రజలు, నాయకుల వాహనాల పార్కింగ్కు అధికారులు ప్రత్యేకంగా పార్కింగ్ స్థలాలను ఏర్పాటు చేశారు. జిల్లా కలెక్టర్, సీపీ ఎప్పటికప్పుడు ఏర్పాట్లను పర్యవేక్షిస్తున్నారు.
Similar News
News September 7, 2024
అధికారులను అలర్ట్ చేసిన జిల్లా కలెక్టర్
జిల్లా వ్యాప్తంగా ఉన్న 589 మంది పంచాయితీ కార్యదర్శులు ఆయా పంచాయతీల్లో అందుబాటులో ఉండాలని జిల్లా కలెక్టర్ ముజామిల్ ఖాన్ ఆదేశించారు. గ్రామపంచాయతీ పరిధిలోని వాగులు కాలువలు కల్వర్టుల దగ్గర ప్రజలు దాటకుండా ఉండేందుకు రోడ్లు బ్లాక్ చేయాలన్నారు. ఆయా గ్రామ పంచాయతీల్లో ప్రజలను అప్రమత్తం చేయాలన్నారు. చేపల వేటకు వెళ్లకుండా ఆపాలన్నారు. ఎమ్మార్వోలు ఎంపీడీవోలు నిరంతరం పర్యవేక్షణ చేయాలని ఆదేశించారు.
News September 7, 2024
UPDATE: 8.75 అడుగుల వరకు చేరిన మున్నేరు నీటిమట్టం
ఖమ్మంలో కురుస్తున్న భారీ వర్షం కారణంగా మున్నేరువాగు వరద 7.26 గంటల వరకు 8.75 అడుగులకు చేరిందని ఖమ్మం మున్సిపల్ అధికారులు తెలిపారు. దాన్వాయిగూడెం , రమణపేట, బొక్కలగడ్డ, ప్రకాష్ నగర్, మోతీ నగర్, వెంకటేశ్వర్ నగర్లోని మున్నేరు వెంబడి నివసించే ప్రజలను సమీపంలోని రెస్క్యూ సెంటర్కు వెళ్లవలసిందిగా మున్సిపల్ అధికారులు తెలిపారు..
News September 7, 2024
HIGH ALERT: ఖమ్మం జిల్లాకు అతిభారీ వర్షాలు
ఖమ్మం జిల్లాకు వాతావరణ శాఖ హెచ్చరికలు జారీ చేసింది. రాగల మూడు రోజులు జిల్లాలో విస్తారంగా భారీ నుంచి అతి భారీ వర్షాలు కురిసే అవకాశం ఉందని తెలియజేసింది. భారీ వర్షాల నేపథ్యంలో ప్రజలు అప్రమత్తంగా ఉండాలని సూచించింది. మున్నేరు, ఆకేరుకు భారీ వర్షాల వల్ల వరద పెరిగే అవకాశం ఉన్న నేపథ్యంలో అధికారులు, ప్రజలను ఎప్పటికప్పుడు అప్రమత్తం చేస్తూ ఉండాలని పేర్కొంది.