News April 8, 2025
శ్రీకాకుళం: ఆక్వా రైతులపై మరో పిడుగు
ఇప్పటికే ఆక్వా ఫీడ్, సీడ్ ధరలు పెరగడంతో కుదేలైన ఆక్వా రైతులపై అమెరికా అధ్యక్షుడు ట్రంప్ రూపంలో మరో పిడుగు పడింది. దిగుమతి సుంకాలు 27శాతానికి పెంచడంతో శ్రీకాకుళం జిల్లా నుంచి ఎగుమతి అయ్యే రొయ్యలపై పన్ను భారం పడింది. ఈ దెబ్బతో రైతుకి ధర తగ్గిపోయింది. జిల్లా నుంచి ఎక్కువ శాతం అమెరికాకే ఎగుమతి అవుతుండగా.. 4వేల హెక్టార్లలో సాగు జరుగుతోంది. దీంతో ఈ రంగంపై ఆధారపడిన వేల కుటుంబాలు తీవ్ర ఆందోళనలో ఉన్నాయి.
Similar News
News October 22, 2025
పొందూరు: ‘100% దివ్యాంగుడిని..పింఛన్ ఇచ్చి ఆదుకోండి’
తన దైనందిక జీవితంలో రోజు వారి పనులకు తల్లిదండ్రులపైనే ఈ దివ్యాంగుడు ఆధారపడాల్సిన పరిస్థితి. పొందూరు(M) తండ్యాం పంచాయతీ బొట్లపేట గ్రామానికి చెందిన మేకా నవీన్ కుమార్‌ 100 శాతం దివ్యాంగుడు. సదరం సర్టిఫికెట్ ఉన్నప్పటికీ పింఛన్ రావడం లేదు. అధికారులు స్పందించి పెన్షన్ మంజూరయ్యేలా చూడాలని కుటుంబీకులు కోరుతున్నారు.
News October 22, 2025
శ్రీకాకుళం: ‘ప్రకృతి వ్యవసాయంపై రైతులు దృష్టి సారించాలి’
ప్రకృతి వ్యవసాయంపై రైతులు దృష్టి సారించాలని జిల్లా ప్రకృతి వ్యవసాయ ప్రాజెక్ట్ మేనేజర్ సత్యనారాయణ అన్నారు . జిల్లా కేంద్రంలోని వ్యవసాయ కార్యాలయంలో మంగళవారం క్షేత్రస్థాయి సిబ్బందితో సమీక్ష సమావేశం నిర్వహించారు. రసాయన ఎరువులు, పురుగుల మందు రహిత వ్యవసాయం లక్ష్యంగా రైతులు ముందుకు సాగాలని అన్నారు. సహజ ఎరువులు, కషాయాలు వినియోగించాలని కోరారు.
News October 21, 2025
డీజే ఓ నిశ్శబ్ద హంతకి
పట్టణం, పల్లెలో డీజే శబ్దాలు హోరెత్తిస్తున్నాయి. శబ్ద తీవ్రత 50 డేసిబెల్స్ దాటితే మానవులకు గుండె సంబంధిత జబ్బులు, గుండెపోటు వచ్చే ప్రమాదం ఉందని నిపుణులు హెచ్చరిస్తున్నారు. ఈ నియమాలను నిర్వాహకులు పెడచెవిన పెట్టి పెద్ద శబ్దాలకు 100 డేసిబెల్స్ పెంచి ప్రజల ప్రాణాలతో చెలగాటమాడుతున్నారు. ఈ నెల16న నరసన్నపేటలోని <<18018296>>భవానిపురంలో<<>> గౌరమ్మ ఊరేగింపులో డీజే శబ్దానికి భవనం కూలి పలువురు గాయపడిన సంగతి తెలిసిందే.