News June 30, 2024
శ్రీకాకుళం: ఇన్స్టంట్ ఎగ్జామ్ నోటిఫికేషన్ విడుదల
శ్రీకాకుళం జిల్లా డాక్టర్ బి.ఆర్ అంబేడ్కర్ యూనివర్సిటీ ఇన్స్టంట్ ఎగ్జామ్ నోటిఫికేషన్ విడుదలైంది. డిగ్రీ చివరి ఏడాది 5 సెమిస్టర్ థియరీ సబ్జెక్టులో మాత్రమే ఫెయిల్ అయిన రెగ్యులర్ అభ్యర్థులకు ఇన్స్టంట్ ఎగ్జామినేషన్ నిర్వహిస్తారని డీన్ డాక్టర్ ఎస్ ఉదయ్ భాస్కర్ తెలిపారు. 4, 6వ సెమిస్టర్ ఇంటర్న్‌షిప్ వరకు ఉత్తీర్ణులై ఉండాలి. జులై 5వ తేదీలోగా పరీక్ష ఫీజు రూ.1000 చెల్లించాలి. పరీక్ష జులై 9న ఉంటుంది.
Similar News
News November 30, 2025
నరసన్నపేట ఏరియా హాస్పిటల్‌లో అరుదైన దంత శస్త్ర చికిత్స
నరసన్నపేట ఏరియా హాస్పిటల్‌లో దంత వైద్య నిపుణుడు బలగ రమేశ్ నాయుడు శనివారం అరుదైన దంత శస్త్ర చికిత్స విజయవంతంగా నిర్వహించారు. నరసన్నపేట మండలం జమ్మూ గ్రామానికి చెందిన పొన్నాడ గోవిందా రావు ఇటీవల రోడ్డు ప్రమాదంలో గాయపడ్డాడు. ఈ ప్రమాదంలో అతని పై దవడ వద్ద దంతాలు ఊడిపోగా హాస్పిటల్‌కు వచ్చారని అన్నారు. దీనికి సంబంధించిన శస్త్ర చికిత్సను సహాయకురాలు సత్య సాయి సహకారంతో విజయవంతంగా పూర్తి చేశామని పేర్కొన్నారు.
News November 30, 2025
శ్రీకాకుళం: ’65 హాట్‌స్పాట్‌ల వద్ద సీసీ కెమెరాలను ఏర్పాటు చేయాలి’
శ్రీకాకుళం జిల్లాలో గంజాయి వినియోగం, అక్రమ రవాణాను సమూలంగా అరికట్టేందుకు అధికారులు గుర్తించిన 65 హాట్‌స్పాట్‌ల వద్ద సీసీ కెమెరాలను తక్షణమే ఏర్పాటు చేయాలని జిల్లా కలెక్టర్ స్వప్నిల్ దినకర్ పుండ్కర్ అధికారులను ఆదేశించారు. శనివారం కలెక్టరేట్‌‌లో జిల్లా నార్కోటిక్స్ కోఆర్డినేషన్ కమిటీ సమవేశం నిర్వహించారు. కెమెరాల ఏర్పాటు బాధ్యతను స్థానిక సంస్థలు తీసుకోవాలని చెప్పారు.
News November 30, 2025
అదాలత్‌లో ఎక్కువ కేసులు రాజీ చేయాలి: శ్రీకాకుళం ఎస్పీ
డిసెంబర్ 13న జరగనున్న జాతీయ లోక్ అదాలత్‌లో ఎక్కువ కేసులు పరిష్కారమయ్యేలా ముందస్తు చర్యలు తీసుకోవాలని ఎస్పీ కె.వి. మహేశ్వర రెడ్డి అధికారులను ఆదేశించారు. శనివారం ఎస్పీ కార్యాలయంలో లోక్ అదాలత్ కేసులు తోపాటు బెయిల్స్, రానున్న ఎన్నికల దృష్ట్యా తీసుకోవాల్సిన చర్యలపై సమీక్ష నిర్వహించారు. స్వీయ ఒప్పందంతో రాజీకి ప్రోత్సహించాలని తెలిపారు. అదనపు ఎస్పి కెవి రమణ ఉన్నారు.