News October 25, 2024

శ్రీకాకుళం: తీరం దాటిన దానా తుఫాన్ 

బంగాళాఖాతంలో ఏర్పడిన దానా తుఫాన్ గురువారం రాత్రి తీరం దాటినట్లు APSDMA అధికారులు వెల్లడించారు. ఒడిశా రాష్ట్రం బిత్తర్కనిక-ధమ్రా సమీపంలో గురువారం రాత్రి 1.30 గంటల నుంచి 3.30 గంటల మధ్యలో తీరం దాటినట్లు వెల్లడించారు. తీరం దాటిన తుఫాన్ పశ్చిమ వాయువ్య దిశగా కదులుతూ శుక్రవారం మధ్యాహ్నం నాటికి బలహీనపడుతుందని పేర్కొన్నారు. ఉత్తరాంధ్రలో మోస్తరు వర్షాలు కురిసే అవకాశం ఉందని ప్రజలు అప్రమత్తంగా ఉండాలన్నారు.