News June 3, 2024
శ్రీకాకుళం: 1459 మంది పోలీసు సిబ్బందితో బందోబస్తు
జిల్లాలో సార్వత్రిక ఎన్నికల కౌంటింగ్ను ప్రశాంత వాతావరణంలో పూర్తి చేసేందుకు భారీ పోలీసు బందోబస్తును ఏర్పాటు చేశారు. 1459 మంది పోలీసు సిబ్బందిని ఈ బందోబస్తులో వినియోగిస్తున్నారు. జిల్లా పోలీసులతో పాటు ఆర్మడ్ రిజర్వు, ఏపీఎస్పీ, కేంద్ర బలగాలను ఎక్కడికక్కడా మోహరించారు. జిల్లావ్యాప్తంగా 144 సెక్షన్ అమలులో ఉంది. కౌంటింగ్ ఏజెంట్లకు బ్రీత్ ఎనలైజర్ పరీక్షలు చేసిన తర్వాతనే లోపలకి అనుమతించనున్నారు.
Similar News
News September 14, 2024
SKLM: అన్నదాతలకు యూరియా కరవు..!
జిల్లాలో 3,41,775 ఎకరాల్లో వరి సాగు చేశారు. రైతుభరోసా కేంద్రాల్లో యూరియా, కాంప్లెక్స్ ఎరువులు సుమారు 25,155 మెట్రిక్ టన్నులు పంపిణీ చేశారు. వీటిలో యూరియా కేవలం 17వేల మెట్రిక్ టన్నులు మాత్రమే. ఎకరా వరి సాగుకు మూడు విడతల్లో 50 కేజీల వరకూ యూరియా వినియోగిస్తారు. ఈ లెక్కన జిల్లాలో సాగుకు సంబంధించి 35వేల మెట్రిక్ టన్నుల వరకూ యూరియా అవసరం కాగా రైతుభరోసా కేంద్రాల్లో అరకొరగానే పంపిణీ చేస్తున్నారు.
News September 14, 2024
శ్రీకాకుళం రోడ్డు వరకే ప్రయాణించనున్న మెము రైళ్లు
పూండి- నౌపాడ, తిలారు- కోటబొమ్మాళి సెక్షన్ల మధ్య రైల్వే ట్రాక్ భద్రతా పనులు నిర్వహిస్తున్నారు. ఈ నేపథ్యంలో సెప్టెంబర్ 19, 21 తేదీలలో విశాఖ- పలాస మధ్య ప్రయాణించే మెము రైళ్లను(నం.07470, 07471) శ్రీకాకుళం రోడ్డు వరకే నడపనున్నామని రైల్వే అధికారులు తెలిపారు. ట్రాక్ భద్రతా పనులు జరుగుతున్నందున ఆయా తేదీల్లో శ్రీకాకుళం రోడ్డు- పలాస స్టేషన్ల మధ్య ఈ రైళ్ల రాకపోకలను రద్దు చేశామన్నారు.
News September 14, 2024
శ్రీకాకుళం: ఈ నెల 17 నుంచి స్వచ్ఛతాహి సేవ: కలెక్టర్
ఈ నెల 17 నుంచి అక్టోబర్ 2వ తేదీ వరకు జిల్లాలో స్వచ్ఛతాహి సేవ సేవా కార్యక్రమం నిర్వహణకు సిద్ధంగా ఉండాలని జిల్లా కలెక్టర్ స్వప్నిల్ దినకర్ పుండ్కర్ అధికారులను ఆదేశించారు. శనివారం ఆయన సంబంధిత శాఖల అధికారులతో టెలీ కాన్ఫరెన్స్ నిర్వహించి జిల్లాలో స్వచ్ఛతాహి సేవా కార్యక్రమ నిర్వహణకు తీసుకోవాల్సిన చర్యలపై వివరించారు. ప్రజలకు మరింత అవగాహన కల్పించే దిశగా చర్యలు తీసుకోవాలని సూచించారు.