News March 22, 2025
శ్రీకాళహస్తి తిరుచ్చిపై జ్ఞాన ప్రసూనాంబ దర్శనం
శ్రీకాళహస్తీశ్వరాలయంలో శుక్రవారం రాత్రి ప్రత్యేక పూజలు చేశారు. శ్రీజ్ఞాన ప్రసూనాంబ అమ్మవారు తిరుచ్చి వాహనంపై భక్తులకు దర్శనమిచ్చారు. అమ్మవారి సన్నిధిలో ఉత్సవమూర్తికి అలంకారాలు చేశారు. తర్వాత తిరుచ్చి వాహనంపై కొలువుదీర్చి ఆలయ ప్రాకారోత్సవం చేపట్టారు. మంగళ వాయిద్యాలు, భక్తుల శివనామస్మరణ నడుమ అమ్మవారి ఉత్సవమూర్తిని ఆలయ ప్రాంగణంలో ఊరేగించారు.
Similar News
News February 28, 2026
అడ్డతీగల: సీపీఆర్ చేసి ప్రాణాలు నిలిపిన డాక్టర్
అడ్డతీగల మండలంలో జరిగిన కారు ప్రమాదంలో క్షతగాత్రులకు సీపీఆర్ చేసి ఆ డాక్టర్ ప్రాణదాతగా నిలిచారు. మిట్లపాలెం వద్ద జరిగిన రోడ్డు ప్రమాదంలో నలుగురు యువకులకు తీవ్రగాయాలు అవ్వగా, ఆ సమయంలో అటుగా వెళ్తున్న జడ్డంగి వైద్యాధికారిని పావని వారికి సీపీఆర్ చేసి అడ్డతీగల ఆసుపత్రికి పంపించారు. కాగా ఈ ప్రమాదంలో ఇద్దరు మృతి చెందారు. డాక్టర్ పావని సీపీఆర్ చేసి ఉండకపోతే మరణాలు సంఖ్య పెరిగేదని స్థానికులు తెలిపారు.
News February 28, 2026
నల్గొండ: పన్ను వసూళ్ల ‘డెడ్ లైన్’.. 32 రోజులే గడువు
మున్సిపాలిటీల్లో పన్ను వసూలుకు గడువు ముంచుకొస్తోంది. ఫిబ్రవరి ముగుస్తుండగా.. ఈ ఆర్థిక సంవత్సరంలో మరో 32 రోజుల గడువు మాత్రమే మిగిలిఉంది. అయినా జిల్లాలోని NLG, MLG, DVK, HLY, CTL CDR, NKL, నందికొండ మున్సిపాలిటీల్లో ఆస్తి పన్ను వసూళ్లు అంతంత మాత్రంగానే ఉన్నాయి. JAN, FEBలో మున్సిపల్ ఎన్నికల హడావిడితో అధికారులు, సిబ్బంది పన్నుల వసూళ్లపై దృష్టి సారించలేకపోయారు. దీంతో బల్దియాల్లో బకాయిలు పేరుకుపోయాయి.
News February 28, 2026
BOB క్యాపిటల్ మార్కెట్ లిమిటెడ్లో ఉద్యోగాలు.. అప్లైకి గడువు పెంపు
BOB క్యాపిటల్ మార్కెట్ లిమిటెడ్లో ఉద్యోగాలకు అప్లై చేయడానికి మార్చి 15 వరకు గడువును పొడిగించారు. మేనేజర్, AVP ఫైనాన్స్& అకౌంట్స్, స్టేట్ హెడ్ రిటైల్ బ్రోకింగ్ పోస్టులు ఉన్నాయి. అర్హత గల అభ్యర్థులు careers@bobcaps.in ఈ మెయిల్ ద్వారా అప్లై చేసుకోవచ్చు. పోస్టును బట్టి డిగ్రీ, PG/CA/MBA అర్హతతో పాటు పనిఅనుభవం ఉండాలి. వెబ్సైట్: https://www.bobcaps.in