News July 11, 2024
శ్రీకాళహస్తి : స్కౌట్స్ విద్యార్థులను అభినందించిన కలెక్టర్
ఈ ఏడాదికి రాజ్య పురస్కార్ అవార్డులు పొందిన శ్రీకాళహస్తిలోని బాబూ అగ్రహారం మున్సిపల్ ఉన్నత పాఠశాలకు చెందిన ఐదుగురు స్కౌట్స్ విద్యార్థులు శ్రీనివాసులు, వినోద్, యస్వంత్, మురళి, లోకేష్లను తిరుపతి కలెక్టర్ వెంకటేశ్వర్ అభినందించారు. ఈ కార్యక్రమంలో DEO శేఖర్, స్టేట్ ఆర్గనైజింగ్ కమిషనర్ శ్రీనివాసరావు, జిల్లా స్కౌట్స్ కమిషనర్ వంశీరాజా, స్కౌట్ గైడ్ డీటీసీ వెంకటేశ్వర్లు, తదితరులు పాల్గొన్నారు.
Similar News
News November 29, 2025
దిత్వా తుఫాన్.. చిత్తూరు కలెక్టర్ కీలక ఆదేశాలు
దిత్వా తుఫాన్ నేపథ్యంలో చిత్తూరు జిల్లాలో నవంబర్ 30, డిసెంబర్ 1న భారీ నుంచి అతి భారీ వర్షాలు కురిసే అవకాశం ఉందని కలెక్టర్ సుమిత్ కుమార్ పేర్కొన్నారు. భారీ గాలులు సైతం వీచే అవకాశాలు ఉన్నందున ప్రజలు అప్రమత్తంగా ఉండాలని సూచించారు. ప్రాణ, ఆస్తి నష్టం సంభవించకుండా ముందస్తు చర్యలు తీసుకోవాలని అధికారులను ఆదేశించారు. అవసరమైతే తాత్కాలిక పునరావాస శిబిరాలు ఏర్పాటు చేసి నిత్యావసరాలను అందుబాటులో ఉంచాలన్నారు.
News November 29, 2025
కుప్పం హైవే విస్తరణకు ఏకంగా రూ.15 వందల కోట్లు
పలమనేరు నుంచి కుప్పం మీదుగా ఆంధ్ర బార్డర్ వరకు సుమారు 84 కిలోమీటర్ల మేర జాతీయ రహదారి విస్తరణకు కేంద్రం గ్రీన్ సిగ్నల్ ఇస్తూ రూ.1500 కోట్లు మంజూరు చేసినట్లు తెలుస్తోంది. ప్రస్తుతం ఉన్న రెండు లైన్ల రోడ్డును నాలుగు లైన్ల రోడ్డుగా మార్చడంతో పాటు బైపాస్ రోడ్ల నిర్మాణం, కల్వర్టులు, ఫ్లై ఓవర్ నిర్మాణానికి సంబంధించి నిధులు మంజూరు అయ్యాయట. కాగా దీనికి సంబంధించి డీపీఆర్ సైతం సిద్ధమవుతున్నట్లు తెలుస్తోంది.
News November 29, 2025
చిత్తూరు: జర్నలిస్టుల అక్రిడేషన్ గడువు పెంపు
జిల్లా వ్యాప్తంగా పనిచేస్తున్న వర్కింగ్ జర్నలిస్టుల అక్రిడిటేషన్ గడువును మరో రెండు నెలలు పొడిగించారని కలెక్టర్ సుమిత్ కుమార్ తెలిపారు. జర్నలిస్టుల అక్రిడిటేషన్ గడువును డిసెంబర్ 1 నుంచి జనవరి 31వ తేదీ వరకు పొడగించినట్లు తెలిపారు. మీడియా సంస్థల యాజమాన్యాలు జర్నలిస్టుల వివరాల నివేదికను కలెక్టరేట్లోని సమాచార శాఖకు అందజేయాలని కలెక్టర్ సూచించారు.