News November 17, 2024
శ్రీశైలంలో భక్తిశ్రద్ధలతో ఆకాశదీపం పూజలు
కార్తీకమాసం పురస్కరించుకుని శ్రీశైలం దేవస్థానంలో శనివారం రాత్రి కార్తీక ఆకాశ దీపం పూజలు నిర్వహించారు. ఇన్‌ఛార్జ్‌ ఈఓ చంద్రశేఖర్ రెడ్డి ఆధ్వర్యంలో పండితులు, అర్చకులు స్థానిక ధ్వజస్తంభం వద్ద ముందుగా గణపతిపూజ, దీపపూజ నిర్వహించారు. అనంతరం ప్రత్యేక ఇత్తడిపాత్రలో దీపాన్ని ఉంచి ధ్వజస్తంభానికి ఏర్పాటు చేశారు. కార్తీకమాసంలో ఆకాశదీపాన్ని దర్శించుకోవడం ద్వారా సకల శుభాలు చేకూరుతాయని పండితులు తెలిపారు.
Similar News
News November 17, 2024
నల్లమల అడవుల్లో పెరిగిన పులుల సంతతి
నంద్యాల జిల్లాలోని నల్లమల అడవుల్లో పులుల సంతతి పెరిగినట్లు అటవీశాఖ అధికారులు తెలిపారు. పదేళ్ల క్రితం 34 పెద్ద పులులు ఉండగా.. ప్రస్తుతం వాటి సంఖ్య 87 చేరినట్లు వెల్లడించారు. పులుల సంరక్షణ కోసం ప్రత్యేక చర్యలు చేపట్టినట్లు పేర్కొన్నారు. అడవుల్లోకి ఎవరినీ రానివ్వకుండా చేయడంతో పాటు పలు నిబంధనలు పెట్టి, చట్టాలపై అవగాహన కల్పిస్తున్నామని తెలిపారు.
News November 17, 2024
అపార్ నమోదులో నిర్లక్ష్యంగా వ్యవహరిస్తే కఠిన చర్యలు: డీఈఓ
ప్రభుత్వం ప్రతిష్ఠాత్మకంగా చేపట్టిన అపార్ నమోదులో నిర్లక్ష్యంగా వ్యవహరిస్తే కఠిన చర్యలను తీసుకుంటామని కర్నూలు డీఈవో శ్యామ్యూల్ పాల్ అన్నారు. శనివారం ఆయన కార్యాలయంలో మీడియాతో మాట్లాడారు. నిర్దేశించిన గడువులోగా జిల్లాలో అపార్ నమోదు 85%కి చేరుకునేలా సంబంధిత డిప్యూటీ డీఓలు, ఎంఈఓలు, ప్రధానోపాధ్యాయులు వెంటనే చర్యలు తీసుకోవాలని ఆదేశించారు.
News November 17, 2024
నా భర్తను చిత్రహింసలకు గురి చేశారు: వర్రా కల్యాణి
ఈనెల 8న కర్నూలు టోల్‌ప్లాజా వద్ద తన భర్తను పోలీసులు అదుపులోకి తీసుకుని, 12న మేజిస్ట్రేట్ ముందు హాజ‌రు పరిచినట్లు YCP నేత వర్రా రవీంద్రా రెడ్డి భార్య వర్రా కల్యాణి తెలిపారు. శనివారం కడపలో ఆమె ప్రెస్ మీట్ నిర్వహించారు. ఆ 3 రోజులు తన భర్తను చిత్రహింసలకు గురిచేసి, త‌ప్పుడు స్టేట్‌మెంట్ తీసుకున్నారని ఆరోపించారు. రవీంద్రా రెడ్డిని ఈనెల 11న అదుపులోకి తీసుకున్నార‌న్న‌ది అవాస్త‌వం అని పేర్కొన్నారు.