News December 29, 2024

శ్రీహరికోట: రేపు పీఎస్ఎల్వీ C-60 ప్రయోగం

శ్రీహరికోట రాకెట్ కేంద్రం నుంచి సోమవారం రాత్రి 9.58 గంటలకు PSLV- C60 రాకెట్‌ను ప్రయోగించనున్నన్నట్లు ఆదివారం పలువురు శాస్త్రవేత్తలు తెలిపారు. ఈ రాకెట్ ద్వారా 440 కిలోల బరువు కలిగిన స్పాడెక్స్ పేరుతో జంట ఉపగ్రహాలను కక్ష్యలోకి పంపనున్నారు. కక్ష్యలోకి వెళ్లిన ఉపగ్రహాలు ఒకదానికొకటి సమాంతరంగా ఉండి సేవలు అందిస్తాయని పేర్కొన్నారు. దీనివల్ల భారత్‌ డాకింగ్ టెక్నాలజీ కలిగిన నాలుగో దేశం అవుతుందన్నారు.