News February 17, 2025
శ్రీ సత్యసాయి జిల్లాలో ట్రాక్టర్ కింద పడి మహిళ మృతి
శ్రీ సత్యసాయి జిల్లా మడకశిర బైపాస్ రహదారిలో కొల్లమ్మ (45) అనే మహిళ ఇసుక ట్రాక్టర్ కింద పడి అక్కడికక్కడే మృతి చెందింది. స్థానికుల వివరాల మేరకు.. మడకశిర సమీప ప్రాంతాల నుంచి పట్టణంలోకి ఇసుకను ట్రాక్టర్ల ద్వారా తరలిస్తున్నారు. ఇసుక కూలీగా పనిచేస్తున్న కొల్లమ్మ ట్రాక్టర్ ఇంజిన్‌లో కూర్చుని ప్రమాదవశాత్తు జారి ట్రాలీ వెనుక చక్రం కింద పడ్డారు. అక్కడికక్కడే ప్రాణాలు కోల్పోయారు.
Similar News
News November 30, 2025
కరీంనగర్: సర్పంచ్ అభ్యర్థుల్లో వణుకు
గ్రామ పంచాయతీ ఎన్నికలు జరుగుతున్న గ్రామాల్లో Gen-Z యువత ప్రధాన భూమిక పోషిస్తోంది. గ్రామాల వాట్సాప్ గ్రూపుల్లో సమస్యలు, మేనిఫెస్టో, ఓటుకు నోటు వంటి అంశాలపై ఆశావాహులను సూటిగా ప్రశ్నిస్తున్నారు. బాధ్యతాయుతమైన పోస్టులతో యువత ప్రజల్లో చైతన్యం తీసుకురావడంతో, వాట్సాప్‌లో పోస్ట్ చేయాలంటేనే సర్పంచ్ అభ్యర్థులు వణికిపోతున్నారు. ఉమ్మడి కరీంనగర్ జిల్లాలో 1224 జీపీలకు ఎన్నికలు జరగనున్నాయి.
News November 30, 2025
కొండగట్టు అగ్ని ప్రమాదం: కలెక్టర్‌కు బండి సంజయ్ ఫోన్
కొండగట్టు దిగువ ప్రాంతంలోని అభయాంజనేయ స్వామి విగ్రహం సమీపంలో అగ్నిప్రమాదం వల్ల పలు షాపులు దగ్ధమైన ఘటనపై కేంద్రమంత్రి బండి సంజయ్ ఆరాతీశారు. ఆయన వెంటనే జిల్లా కలెక్టర్‌కు ఫోన్ చేసి మాట్లాడారు. అగ్నిప్రమాదం జరిగిన వెంటనే ఫైర్ సిబ్బంది వెళ్లి మంటలను అదుపులోకి తీసుకొచ్చినట్లు కలెక్టర్ కేంద్రమంత్రికి వివరించారు. బాధితులకు అండగా ఉండాలని, ఇలాంటి ఘటనలు పునరావృతం కాకుండా చర్యలు తీసుకోవాలని బండి సూచించారు.
News November 30, 2025
iBOMMA రవి కేసు.. మరిన్ని సంచలన విషయాలు
TG: పైరసీ వ్యవహారాన్ని తన అసలైన గుర్తింపునకు దూరంగా ఉంచాలని <<18423743>>iBOMMA రవి<<>> ముందుగానే నిర్ణయించుకున్నట్లు పోలీసుల విచారణలో తేలింది. ‘పక్కా ప్రణాళికతోనే రవి ప్రహ్లాద్ పేరుతో పాన్‌కార్డు, డ్రైవింగ్ లైసెన్సుతోపాటు పలు ఫేక్ కంపెనీలను ఓపెన్ చేశాడు. అదే పేరుతోనే 20 సర్వర్లు, 35 డొమైన్లను కొన్నాడు. అలాగే ఫిలిం ఛాంబర్, పోలీసులకు గతంలో పంపిన బెదిరింపు మెయిల్స్‌నూ గుర్తించాం’ అని పోలీసు వర్గాలు వెల్లడించాయి.