News February 21, 2025
షర్మిల చాలా ఖాళీగా ఉన్నారు: బొత్స
వ్యక్తిగత విభేదాలతోనే జగన్‌పై షర్మిల విమర్శలు చేస్తున్నారని MLC బొత్స సత్యనారాయణ మండిపడ్డారు. ‘కాంగ్రెస్ సిద్ధాంతాలకు అనుగుణంగా షర్మిల లేరు. చంద్రబాబు, బీజేపీ వైఫల్యాలను షర్మిల ప్రశ్నించరు. ఆమె చాలా ఖాళీగా ఉన్నారు. ఏదేదో మాట్లాడుతుంటారు. ఆమెకు మేము సమాధానం చెప్పం’ అని బొత్స కౌంటర్ ఇచ్చారు. జగన్‌కు ఉద్దేశపూర్వకంగా భద్రత ఇవ్వలేదంటూ గవర్నర్‌కు బొత్స ఫిర్యాదు చేశారు. ఆ తర్వాత ఈ వ్యాఖ్యలు చేశారు.
Similar News
News November 29, 2025
విశాఖ: ఇంటర్ విద్యార్థి ఆత్మహత్య
విశాఖలో ఓ ఇంటర్ విద్యార్థి ఆత్మహత్య చేసుకున్నాడు. భీమిలి మండలం దిబ్బడిపాలేనికి చెందిన చిన్మయ ఆనంద్‌ శుక్రవారం సాయంత్రం ఇంట్లో ఎవరూ లేని సమయంలో ఉరివేసుకున్నాడు. తల్లిదండ్రులు ఇంటికి వచ్చిచూసి CPR చేసి వెంటనే దగ్గర్లో ఉన్న ఆసుపత్రికి తరలించారు. అక్కడ చికిత్స పొందుతూ శనివారం ఉదయం మృతి చెందాడు. ఆత్మహత్యకు గల కారణాలు తెలియాల్సి ఉంది. హెడ్ కానిస్టేబుల్ అమర్ కేసు నమోదు చేసినట్లు చెప్పారు.
News November 29, 2025
జగిత్యాల జిల్లాలో పోటాపోటీగా నామినేషన్లు
జగిత్యాల జిల్లాలో సర్పంచ్‌కు శుక్రవారం వరకు 297 నామినేషన్లు దాఖలు కాగా వార్డు సభ్యులకు 456మంది నామినేషన్లు వేశారు. సర్పంచ్‌కు భీమారంలో 45, ఇబ్రహీంపట్నం 38, కథలాపూర్ 52, కోరుట్ల 31, మల్లాపూర్ 55, మేడిపల్లి 26, మెట్‌పల్లిలో 50 మంది నామినేషన్లు దాఖలు చేశారు. అలాగే వార్డు సభ్యులకు భీమారంలో 61, ఇబ్రహీంపట్నం 74, కథలాపూర్ 112, కోరుట్ల 58, మల్లాపూర్ 47, మేడిపల్లి 16, మెట్‌పల్లిలో 88 మంది నామినేషన్ వేశారు.
News November 29, 2025
NTR: ఈ సమస్యలను పట్టించుకోండి కలెక్టర్ సాబ్..!
ఎన్టీఆర్ జిల్లా కలెక్టర్‌గా లక్ష్మీశ పదవీ బాధ్యతలు చేపట్టి ఏడాది పూర్తయింది. ఈ ఏడాదిలో అనేక సమస్యలు పరిష్కరించినా, ప్రధాన సమస్యలపై మాత్రం దృష్టి పెట్టాల్సిన అవసరం ఉందని పలువురు చెబుతున్నారు. ఫుడ్ కోర్ట్ నాణ్యత, తిరువూరు కిడ్నీ బాధితుల నీటి సరఫరా ఆలస్యం, ఆటోనగర్‌ కాలుష్యం, రెవెన్యూ సమస్యల పరిష్కారంలో వేగం పెంచాలి. ముఖ్యంగా టూరిజం అభివృద్ధిపై చర్యలు తీసుకోవాలని ప్రజలు కోరుతున్నారు.