News January 26, 2025
సంక్రాంతి తర్వాత టీచర్లే రాలేదు: రాళ్లగడ్డ సర్పంచ్
గూడెంకొత్తవీధి మండలం దుప్పులవాడ పంచాయతీ రాళ్లగడ్డ ప్రభుత్వ పాఠశాలను సంక్రాంతి సెలవుల తర్వాత తిరిగి తెరవలేదని సర్పంచ్, విద్యా కమిటీ ఛైర్మన్ కేలేబు కుమారి ఆరోపించారు. విద్యార్థులను దారిలో పెట్టాల్సిన టీచర్లే స్కూల్‌కు డుమ్మా కొట్టడం ఏంటని ప్రశ్నించారు. ఫలితంగా ఆదివాసీ బిడ్డలు చదువుకు దూరమవుతున్నారని ఆవేదన వ్యక్తం చేశారు.
Similar News
News November 21, 2025
వాజేడు ఫారెస్ట్ రేంజర్ చంద్రమౌళి బదిలీ
వాజేడు ఫారెస్ట్ రేంజర్ చంద్రమౌళి బదిలీ అయ్యారు. ఐదేళ్లుగా విధులు నిర్వహించిన చంద్రమౌళిని అటవీ శాఖ ఉన్నతాధికారులు బదిలీ చేస్తూ ఉత్తర్వులను జారీ చేశారు. ఈ మేరకు భూపాలపల్లి జిల్లాలోని చెల్పూరు రేంజికి ఆయన్ను బదిలీ చేయగా విధుల్లో చేరారు. ఆయన స్థానంలో ప్రస్తుతం వెంకటాపురం(కే) రేంజర్ వంశీకృష్ణకు వాజేడు రేంజర్ ఇన్‌ఛార్జి బాధ్యతలు అప్పగించారు.
News November 21, 2025
ప.గో: గుండెపోటు.. నడుస్తున్న రైలులోనే ప్రాణం పోయింది!
రాజమండ్రికి చెందిన 67 ఏళ్ల వనమా లక్ష్మి నడుస్తున్న రైలులో గుండెపోటుకు గురై మృతి చెందింది. తన కుమార్తె గృహప్రవేశం నిమిత్తం విజయవాడకు బయలుదేరిన ఆమెకు దారి మధ్యలో గుండెపోటు రావడంతో ఏలూరు రైల్వే స్టేషన్‌లో దించి వైద్యం అందించారు. అప్పటికే ఆమె మృతి చెందినట్లు వైద్యులు ధ్రువీకరించారు. ఈ ఘటనపై ఏలూరు రైల్వే పోలీసులు కేసు నమోదు చేసి దర్యాప్తు చేస్తున్నారు.
News November 21, 2025
విద్యార్థులకు ఉపశమనం.. రూ.161 కోట్ల బకాయిలు విడుదల
ఖమ్మం: పెండింగ్‌లో ఉన్న స్కాలర్‌షిప్‌ బకాయిలపై డిప్యూటీ సీఎం భట్టి విక్రమార్క కీలక నిర్ణయం తీసుకున్నారు. ఇంటర్, డిగ్రీ, పాలిటెక్నిక్ విద్యార్థులకు సంబంధించిన రూ.161 కోట్లను వెంటనే విడుదల చేయాలని ఆర్థిక శాఖ అధికారులను ఆయన ఆదేశించారు. ప్రజాభవన్లో జరిగిన సమీక్షలో ఈ మేరకు సూచించారు. ఈ నిర్ణయంతో వేలాది మంది పేద విద్యార్థులకు, కళాశాలలకు ఆర్థికంగా ఊరట లభించనుంది.