News January 22, 2025
సంక్షేమ పథకాలకు దరఖాస్తులు చేసుకోవాలి: కలెక్టర్
ప్రభుత్వం ప్రవేశపెట్టిన నాలుగు సంక్షేమ పథకాలకు దరఖాస్తు చేసుకోవాలని జిల్లా కలెక్టర్ తేజస్ నందు లాల్ పవర్ ప్రజలను కోరారు. బుధవారం చివ్వెంల మండలంలో వట్టి ఖంపహాడ్ గ్రామం పంచాయతీ కార్యాలయంలో జరిగిన ప్రజా పాలన గ్రామసభలో ఆయన మాట్లాడారు. అర్హులై ఉండి సంక్షేమ పథకాల జాబితాలో పేరు లేని వారికి గ్రామ సభల వద్దనే ప్రత్యేక దరఖాస్తులు అందజేస్తున్నట్లు తెలిపారు. ఈ కార్యక్రమంలో ఆర్డీవో వేణుమాధవ్ ఉన్నారు.
Similar News
News November 30, 2025
NLG: మొదటి విడత 318 సర్పంచి స్థానాలకు 2,374 నామినేషన్లు
గ్రామపంచాయతీ ఎన్నికల మొదటి విడత నామినేషన్లు ప్రక్రియ శనివారం ముగిసింది. చివరి రోజు ఆశావాహులు పెద్ద సంఖ్యలో నామినేషన్లు దాఖలు చేశారు. నల్లగొండ, చండూరు రెవిన్యూ డివిజన్ పరిధిలో 14 మండలాల్లోని 318 సర్పంచి స్థానాలకు 2,374 నామినేషన్లు, 2,870 వార్డు సభ్యుల స్థానాలకు 7,239 నామినేషన్లు దాఖలు అయ్యాయి. ఆదివారం నామినేషన్లను పరిశీలించనున్నారు. డిసెంబర్ 11న ఎన్నికలు జరగనున్నాయి.
News November 30, 2025
WGL: రూ.8 లక్షలు పలికిన స్థానాలు?
WGL జిల్లా వర్ధన్నపేట మండలం రామోజీ కుమ్మరిగూడెం తండా, చంద్రు తండాలు ఏకగ్రీవాలుగా నిలిచాయి. పదవుల పంపకాలు, వాటి మూల్యాల ఒప్పందాలు సైతం ముగిశాయి. రామోజీ తండా సర్పంచ్ భూక్యా సుశీల, ఉప సర్పంచ్‌గా భూక్యా తిరుపతి కాగా, చంద్రు తండాలో సర్పంచ్‌గా భూక్యా నీలా, ఉప సర్పంచ్‌గా మాలోతు నెహ్రూలను ఎంపిక చేసుకున్నారు. గ్రామాల అభివృద్ధికి ఇద్దరు తలా రూ.8 లక్షలు ఇచ్చేలా తీర్మానం చేసుకున్నట్లు విశ్వసనీయ సమాచారం.
News November 30, 2025
ఈ కలుపు మందులతో వయ్యారిభామ నిర్మూలన
వయ్యారిభామ నిర్మూలనకు పంట మొలకెత్తక ముందు అట్రాజిన్ రసాయన మందును లీటర్ నీటికి నాలుగు గ్రాములు కలిపి పిచికారీ చేయాలి. పంట మొలకెత్తిన 15 నుంచి 20 రోజులకు.. లీటరు నీటికి 2 గ్రాముల 2,4-డి సోడియం సాల్ట్ కలిపి పిచికారీ చేయాలి. బంజరు భూముల్లో లీటరు నీటికి 5 గ్రాముల అట్రాజిన్ మందు కలిపి పిచికారీ చేసి వయ్యారిభామను నివారించవచ్చు. కలుపు నివారణ మందులను పిచికారీ చేసేటప్పుడు పక్క పంటలపై పడకుండా జాగ్రత్తపడాలి.