News February 1, 2025
సంగారెడ్డి: కేంద్ర మంత్రుల మాటలు కోతలే.. నిధులేవి: జగ్గారెడ్డి
తెలంగాణ నుంచి 8 మంది ఎంపీలను గెలిపించి ఇద్దరు కేంద్ర మంత్రులు చేస్తే బడ్జెట్లో మాత్రం అన్యాయం చేశారని సంగారెడ్డి మాజీ ఎమ్మెల్యే జగ్గారెడ్డి విమర్శించారు. గాంధీభవన్‌లో శనివారం విలేకరుల సమావేశంలో మాట్లాడారు. బడ్జెట్లో రాష్ట్రానికి ప్రత్యేకంగా కేటాయింపులు చేయలేదని ఆరోపించారు. ఇద్దరు కేంద్ర మంత్రుల మాటలు కోతలేనని.. నిధులు తీసుకురావడంలో విఫలమయ్యారని విమర్శించారు.
Similar News
News November 30, 2025
కామారెడ్డి జిల్లాలో ఉష్ణోగ్రతల అప్‌డేట్
కామారెడ్డి జిల్లాలో గడిచిన 24 గంటల్లో నమోదైన కనిష్ఠ ఉష్ణోగ్రతలను అధికారులు వెల్లడించారు. జిల్లాలో మేనూర్ 10.8°C, డోంగ్లి 11, జుక్కల్, నస్రుల్లాబాద్ 11.4, బీర్కూర్ 11.6, బొమ్మన్ దేవిపల్లి 11.7, పెద్ద కొడప్గల్ 12.1, పుల్కల్ 12.2, గాంధారి, బిచ్కుంద 12.4, లచ్చపేట 12.6, బీబీపేట 12.7, రామారెడ్డి 12.9, ఎల్పుగొండ, రామలక్ష్మణపల్లి, సర్వాపూర్ 13, ఇసాయిపేట, కొల్లూరు 13.2°Cల కనిష్ఠ ఉష్ణోగ్రతలు నమోదయ్యాయి.
News November 30, 2025
NZB: ఎన్నికల కోడ్ ఎఫెక్ట్.. ప్రజావాణి రద్దు
ప్రతి సోమవారం కలెక్టరేట్‌లో నిర్వహించే ప్రజావాణి కార్యక్రమాన్ని రద్దు చేసినట్లు NZB జిల్లా ఎన్నికల అధికారి, కలెక్టర్ వినయ్ కృష్ణారెడ్డి తెలిపారు. ఎన్నికల ప్రవర్తనా నియమావళి అమలులో ఉన్న నేపథ్యంలో ప్రజావాణిని రద్దు చేశామన్నారు. GP ఎన్నికల ప్రక్రియ ముగిసిన అనంతరం తిరిగి యథావిధిగా ప్రజావాణి కొనసాగుతుందన్నారు. ప్రజలు ఈ విషయాన్ని గమనించి జిల్లా యంత్రాంగానికి సహకరించాలని కలెక్టర్ కోరారు.
News November 30, 2025
20% పెరిగిన ‘ఇసుక’ ఆదాయం
TG: ఇసుక అమ్మకాలతో ప్రభుత్వానికి వచ్చే ఆదాయం గత ఏడాదితో పోలిస్తే 20% పెరిగింది. 2023-24లో ₹654.58Cr, 2024-25లో ₹738.74Cr ఆదాయం వచ్చినట్లు అధికారులు వెల్లడించారు. ప్రస్తుత ఆర్థిక సంవత్సరంలో ఇప్పటివరకు 138.07L మెట్రిక్ టన్నుల ఇసుక విక్రయించగా ₹600Cr వచ్చినట్లు పేర్కొన్నారు. మరో 4నెలల్లో ఈ మొత్తం ₹1000Crకు చేరుతుందని అంచనా. డిమాండ్‌కు తగ్గ సరఫరా, అక్రమాలకు అడ్డుకట్టతో ఆదాయం పెరిగినట్లు చెబుతున్నారు.