News February 23, 2025

సంగారెడ్డి: పదిలో 100% ఉత్తీర్ణత సాధించాలి: జిల్లా కలెక్టర్

image

రామచంద్రపురం మండలం వెల్మెల ఆదర్శ పాఠశాలను కలెక్టర్ వల్లూరి క్రాంతి శనివారం సందర్శించారు. ఈ సందర్భంగా పాఠశాలలోని పరిసరాలను, విద్యార్థులు చదువుతున్నా తీరును పరిశీలించారు. అనంతరం కలెక్టర్ మాట్లాడుతూ.. పదో తరగతి పరీక్షలో వంద శాతం ఉత్తీర్ణత సాధించే విధంగా కృషి చేయాలని, వెనుకబడిన విద్యార్థులపై ప్రత్యేక శ్రద్ధ తీసుకోవాలని ఉపాధ్యాయులకు సూచించారు. ఈ కార్యక్రమంలో డీఈవో వెంకటేశ్వర్లు పాల్గొన్నారు.

Similar News

News November 29, 2025

అనకాపల్లి: యువతి ఆత్మహత్య

image

అనకాపల్లి పట్టణం విజయరామరాజుపేట ప్రాంతంలో శుక్రవారం ఓ యువతి ఇంటిలో ఆత్మహత్య చేసుకుంది. ఇంటిలో ఎవరూ లేని సమయంలో సాయిదుర్గ (25) ఉరివేసుకుంది. పక్కింటి వారు చూసి ఆమె తల్లి సీతాలక్ష్మికి సమాచారం అందించారు. తల్లి ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్‌ఐ సంతోష్ కుమార్ తెలిపారు.

News November 29, 2025

నీరు ఎక్కువగా తాగితే?

image

మంచి ఆరోగ్యం కోసం సరిపడా నీరు తాగడం ముఖ్యం. అయితే మోతాదుకు మించితే ఆరోగ్య సమస్యలొస్తాయని వైద్యులు చెబుతున్నారు. ‘రోజూ 2-3 లీట‌ర్ల నీరు తాగొచ్చు. అతిగా తాగితే మూత్రం ద్వారా లవణాలు కోల్పోయి అలసటగా అన్పిస్తుంది. ఓవర్ హైడ్రేషన్ వల్ల విపరీతమైన తలనొప్పి వస్తుంది. కిడ్నీలపై భారం పడి దీర్ఘకాలిక సమస్యలొస్తాయి. పోటాషియం లెవల్స్ పడిపోవడంతో రక్త సరఫరా తగ్గి గుండె ఆరోగ్యానికి ప్రమాదం’ అని హెచ్చరిస్తున్నారు.

News November 29, 2025

విశాఖ: రైలులో నొప్పులు.. అంబులెన్స్‌లోనే ప్రసవం

image

విశాఖ రైల్వే స్టేషన్‌లో గురువారం రాత్రి రైలులో ప్రయాణిస్తున్న ఓ గర్భిణి అకస్మాత్తుగా తీవ్రమైన నొప్పితో అస్వస్థతకు లోనైంది. అధిక రక్తపోటు లక్షణాలు కనిపించడంతో స్టేషన్ చేరుకున్న వెంటనే గేట్ నెం.1 వద్ద ఉన్న అంబులెన్స్‌‌‌లో డా.భాషిణి ప్రియాంక నేతృత్వంలో తక్షణ చికిత్స అందించగా సాధారణ ప్రసవం జరిగింది. అనంతరం తల్లి, శిశువుకి రైల్వే ఆసుపత్రిలో చికిత్స అందించి, KGHకి తరలించారు.