News November 15, 2024

సంగారెడ్డి: విషాదం.. పుట్టినరోజు నాడే విద్యార్థిని మృతి

పటాన్‌చెరు పరిధి ఇంద్రేశంలో ఈరోజు విషాదం చోటుచేసుకుంది. స్థానికులు తెలిపిన వివరాలు.. ఫిలిపియన్స్‌లో ఎంబీబీఎస్ ద్వితీయ సంవత్సరం చదువుతున్న స్నిగ్ధ అనే అమ్మాయి అనుమానాస్పద స్థితిలో మృతిచెందింది. తెల్లవారుజామున 3 గంటల సమయంలో మృతి చెందినట్లు తల్లిదండ్రులకు సమాచారం అందడంతో కుటుంబంలో విషాదఛాయలు అలముకున్నాయి. ఉన్నత చదువుల కోసం విదేశాలకు వెళ్లి పుట్టినరోజు నాడే ఆమె చనిపోవడం ఆ కుటుంబాన్ని కలిచివేసింది.