News May 20, 2024
సంగారెడ్డి: సీసీఎస్ సీఐ వెంకట సాయి కిషోర్ సస్పెన్షన్
సంగారెడ్డి జిల్లా సెంట్రల్ క్రైమ్ స్టేషన్(సీసీఐ) CI వెంకటసాయి కిషోర్‌ను సస్పెండ్ చేస్తూ మల్టీ జోన్-2 ఐజీ సుధీర్ బాబు ఉత్తర్వులు జారీ చేశారు. వెంకట సాయిపై పలు ఆరోపణలు రావడంతో విచారణ జరిపి శాఖాపరమైన చర్యలు తీసుకున్నట్లు పోలీస్ వర్గాలు తెలిపాయి. ఆయన్ను నెల క్రితం SP కార్యాలయానికి అటాచ్‌ చేయగా CCS విభాగంలో సీఐగా పోస్టింగ్‌ ఇచ్చారు. తాజాగా సస్పెన్షన్ కావడం పోలీసు వర్గాల్లో చర్చనీయాంశమైంది.
Similar News
News October 23, 2025
RMPT: అజంతా ఎక్స్ ప్రెస్‌లో సాంకేతిక లోపం
మెదక్ జిల్లా రామాయంపేట మండలం అక్కన్నపేట రైల్వే స్టేషన్‌లో రెండు గంటలుగా రైలు నిలిచిపోయింది. సికింద్రాబాద్ నుంచి షిరిడి వెళ్తున్న అజంతా ఎక్స్ ప్రెస్ రైలు ఇంజన్ సాంకేతిక లోపం రావడంతో నిలిపివేశారు. బుధవారం రాత్రి 8 గంటల నుంచి రైలు నిలిచిపోవడంతో ప్రయాణికులు ఇబ్బంది పడ్డారు. రైలుకు వేరే ఇంజను బిగించేందుకు అధికారులు ఏర్పాటు చేస్తున్నారు.
News October 22, 2025
MDK: గురుకులాల్లో ఖాళీ సీట్లకు దరఖాస్తులు
గురుకులాల్లో ఖాళీ సీట్ల భర్తీకీ దరఖాస్తుల గడువును ఈనెల 23 వరకు పొడిగించినట్లు ఇన్చార్జి డీసీవో పద్మావతి తెలిపారు. రామాయంపేట, కొల్చారం ఎస్సీ గురుకులాల్లో 2025-26 ఏడాదికి 5 నుంచి 9 తరగతులలో మిగిలిపోయిన సీట్ల భర్తీకి దరఖాస్తులు ఆహ్వానిస్తున్నట్లు చెప్పారు. ఆసక్తిగలవారు ఈ అవకశాన్ని సద్వినియోగం చేసుకోవాలని కోరారు. ఈనెల 25న డ్రా పద్ధతిలో ఎంపిక ఉంటుందన్నారు.
News October 22, 2025
మెదక్: సిటిజన్ సర్వేలో అందరూ పాల్గొనాలి: కలెక్టర్
తెలంగాణ రాష్ట్ర భవిష్యత్ రూపకల్పనకై ఉద్దేశించిన తెలంగాణ రైజింగ్-2047 సిటిజన్ సర్వేలో ప్రతీ ఒక్కరూ పాల్గొనాలని కలెక్టర్ రాహుల్ రాజ్ అన్నారు. మంగళవారం ఆయన మాట్లాడుతూ.. ఈ సర్వేకు ప్రజల నుంచి విశేష స్పందన లభిస్తోందన్నారు. ప్రజలు ఈ సర్వేలో పాల్గొని సలహాలు సూచనలు ఇవ్వాలన్నారు. రాష్ట్ర ప్రభుత్వం గత వారం ప్రారంభించిన ఈ సర్వే ఈనెల 25న ముగుస్తుందన్నారు.