News November 26, 2024
సంచలన కేసులో ఉత్కంఠ.. నేడు కీలక వ్యక్తి అరెస్ట్?
సీఐడీ విశ్రాంత అదనపు SP విజయ్ పాల్ నేడు ప్రకాశం జిల్లా SP ఎదుట విచారణకు హాజరుకానున్నారు. YCP హయాంలో ఓ కేసు విచారణలో ప్రస్తుత ఉండి MLA రఘురామను హింసించారని ఆయనపై కేసు నమోదైన సంగతి తెలిసిందే. ఇవాళ విచారణ అనంతరం విజయ్ పాల్‌ను అరెస్ట్ చేసే అవకాశం ఉందనే ప్రచారం సాగుతోంది. కాగా నాడు MPగా ఉన్న RRRను విచారణలో కొట్టారనే ఆరోపణలు, సుప్రీంకోర్టులో విచారణ, ఆయనను ఆర్మీ హాస్పిటల్‌కు తరలించడం సంచలనం సృష్టించాయి.
Similar News
News November 29, 2025
ఈ నంబర్లు సేవ్ చేసుకోండి: ప.గో జేసీ
పశ్చిమగోదావరి జిల్లాలో ధాన్యం కొనుగోళ్ల సమస్యల పరిష్కారానికి ప్రత్యేక కంట్రోల్‌ రూమ్‌ ఏర్పాటు చేసినట్లు జాయింట్‌ కలెక్టర్‌ టి.రాహుల్‌కుమార్‌ రెడ్డి తెలిపారు. రైతులు సమస్యలపై 8121676653, 18004251291 నంబర్లలో సంప్రదించవచ్చన్నారు. రానున్న రెండు, మూడు రోజుల్లో వర్షాలు కురిసే అవకాశం ఉన్నందున రైతులు అప్రమత్తంగా ఉండాలని, ధాన్యం తడవకుండా తగు జాగ్రత్తలు తీసుకోవాలని సూచించారు.
News November 29, 2025
తణుకులో యువకుడి దారుణ హత్య
తణుకు మండలం పైడిపర్రు డ్రైవర్స్‌ కాలనీలో శుక్రవారం అర్ధరాత్రి వ్యక్తి హత్యకు గురయ్యాడు. స్థానికులు తెలిపిన వివరాల మేరకు.. శిరాళం ప్రభాకర్‌(28), కందుల శ్రీను మిత్రులు. వారి మధ్య పాత గొడవల ఉన్నాయి. దీంతో శ్రీను మరో వ్యక్తితో కలిసి ప్రభాకర్‌ ఇంటికి వెళ్లి, నిద్రిస్తున్న అతడిపై కత్తితో దాడి చేశాడు. తీవ్ర గాయాలపాలైన ప్రభాకర్‌ చికిత్స పొందుతూ మృతి చెందాడు. పోలీసులు కేసు దర్యాప్తు చేస్తున్నారు.
News November 29, 2025
భీమవరం: 26 కంపెనీలు.. 3 వేల ఉద్యోగాలు
యువతకు ఉపాధి కల్పనే ధ్యేయంగా భీమవరం ఎస్.ఆర్.కె.ఆర్ కళాశాల వేదికగా శనివారం ‘మెగా జాబ్ మేళా’ జరగనుంది. ఏపీ నైపుణ్యాభివృద్ధి సంస్థ ఆధ్వర్యంలో నిర్వహించే ఈ మేళాలో 26 ప్రముఖ కంపెనీలు పాల్గొని, సుమారు 3 వేల పోస్టులను భర్తీ చేయనున్నాయి. పదో తరగతి ఆపై చదివి, 18-35 ఏళ్ల మధ్య వయసున్న అభ్యర్థులు అర్హులని జిల్లా నైపుణ్యాభివృద్ధి అధికారి లోకమాన్‌ తెలిపారు. ఈ అవకాశాన్ని సద్వినియోగం చేసుకోవాలని ఆయన కోరారు.